सर्लाही, १३ कात्तिकसर्लाहीको निर्वाचन क्षेत्र नम्बर ४ अन्तर्गत रामनगर गाउँपालिका- ४ मा मंगलबार बिहान नेकपाका कार्यकर्ता र नेपाली काँग्रेसका कार्यकर्ता बिच झडप हुदा एक जनाको ज्यान गएको छ। बिहान ७ वजे भएको झटपमा परि ६५ बर्षका कांग्रेस कार्यकर्ता बिलास महतोको ज्यान गएको हो ।
सत्तारुढ दल नेकपाका कार्यकर्ताले चलाएको गोली बाट कांग्रेस कार्यकर्ता महतोको ज्यान गएको सर्लाही क्षेत्र नम्वर ४ प्रदेश क बाट निर्वाचित सान्सद बिरेन्द्र सिहले बताए । गोली लागेर अन्य सात जना घाइते भएको उनको भनाइ छ ।
घाइते लिन गएको एम्बुलेन्स माथी समेत नेकपा कार्यकर्ताहरुले तोडफोड गरेकाले घाइतेलाइ उपचारमा लैजान समस्या परेको थियो । पछि थप सुरक्षा कर्मी परिचालन गरि झडप लाई नियन्त्रणमा लिएपछि घाइतेहरुलाई उपचार को लागि जिल्ला बाहिर पठाईएको जिल्ला प्रहरी कार्यालय सर्लाहीले जनाएको छ ।
हिजो सोमबार बिहान सोही नगरपालिकाको वडा नम्वर ४ बाट निर्वाचीत वडा अध्यक्ष रामनरेश महतोलाइ नेकपाका कार्यकर्ताले कुटपिट गरेपछी झगडा सुरु भएको सर्लाहीका प्रमुख जिल्ला अधिकारी द्रोण पोखरेलले जानकारी दिए । नेकपाका कर्यकर्ताहरुले वडा अध्यक्ष महतोको घरमा समेत तोडफोड गरेका थिए । समान्य बिकास निर्माणका कामको बिषयलाई लिएर भनाभन हुदा झडपलेे उग्र रुप लिएको थियो ।
त्यस स्थानमा थप घटना नघटोस भन्नको लागि प्रसस्त प्रहरी परिचालन गरिएको र अहिले अवस्था सामान्य बनेको बताइएको छ ।
सत्तारुढ नेकपाले सत्ता र शक्तिको आडमा गोली चलाएको कांग्रेसका स्थानीय नेताहरुले आरोप लगाएका छन् । उक्त निर्वाचन क्षेत्रमा नेपाली कांग्रेसका तर्फबाट केन्द्रिय राजनीतिमा चर्चित नेता अमरेशकुमार सिंह प्रतिनिधि सभा सदस्यमा निर्वाचित रहेका छन् । उनीसँग प्रतिक्रिया लिन खोज्दा सम्पर्क हुन सकेको छैन ।