हेटौँडामा आईतबार डरलाग्दो सडक दुर्घटनामा परि दुईजनाको ज्यान गएको छ ।  एउटा मालवाहक ट्रकले मोटरसाइकल र अटोलाई किच्दा दुईजनाको ज्यान गएको हो  ।

हेटौँडा उपमहानगरपालिका-९ पशुपतिनगरमा अपरान्ह उक्त दुर्घटनामा भएको थियो । वीरगञ्जबाट हेटौंडातर्फ आउँदै गरेको ना ६ ख ७०१७ नम्बरको ट्रक अनियन्त्रित भएर पल्टिएपछि मोटरसाइकल र अटोलाई किचेको प्रत्यक्षदर्सीले बताए ।

मृत्यु हुनेमा मोटरसाइकल चालक हेटौंडा-४ का २० वर्षीय सुदीप घिमिरे र अटोमा सवार हेटौंडा-४ की ३५ वर्षीया गंगा चेमजोङ रहेको प्रहरीले जानकारी गराएको छ ।  किचिएका घिमिरे र चेमजोङको  हेटौंडा अस्पतालमा उपचारका क्रममा मृत्यु भएको  प्रहरीको भनाई छ । घटनाबारे थप अनुसन्धान भईरहेको बताईएको छ ।