प्र

प्र

प्रधानमन्त्री केपी शर्मा ओलीले महत्वाकांक्षी योजना सार्वजनिक गरेका छन । उनले राजधानीमा मंगलबार एक विशेष कार्यक्रमका बीच सामाजिक सुरक्षा योजनाको घोषणा गरेका हुन् ।

श्रमिकको हकहितको संरक्षण गर्दै सरकारले पहिलो पटक श्रमिक र तिनका आश्रित परिवारलाइ लक्षित गरेर सामाजिक सुरक्षा योजना घोषणा गरेको हो । अत्यन्तै महत्वका साथ् ल्याइएको यस योजनाले श्रमिकको भविश्य सुनिश्चित हुने बताइएको छ ।

सरकार कहाँ छ भनेर प्रश्न गर्नेहरुलाइ यो योजना गतिलो जवाफ भएको प्रधानमन्त्रीको दावी छ ।

आफूहरु जनताका लागि काम गरिरहेका जिकिर गर्दै उनले  सामाजिक सुरक्षा योजनाको घोषणा कार्यक्रममा अब जता फर्कियो त्यतै सरकार भेटिने ठोकुवा गरे ।

प्रधानमन्त्री ओलीले भने, ‘ सडक सफा गरिएको छ । केही दिनमा अब मेलम्ची पनि आउँछ। जता फर्क्यो त्यतै सरकार देखेपछि सरकार कहाँ छ भन्नेहरू चुप लाग्नुहुन्छ ।’

सरकारले सामाजिक सुरक्षा योजनाको घोषणा गर्न प्रचारप्रसार ब्यापक बनाएपछि आलोचनामा उत्रिएकाहरुप्रति लक्षित गर्दै उनले भने, ‘सरकार देखिएन भन्नेहरुलाई देखाउन र सुनिन भन्नेहरुलाई सुनाउनका लागि पनि यो आवश्यक थियो ।’ सामाजिक सुरक्षा योजनाबाट जनता उत्साहित भएकोले बिरोध होइन होस्टेमा हैसे गर्न पनि उनले अनुरोध गरे ।