काठमाडौ, १३ मंसिर२ दिनदेखि अपहरित ८ वर्षीय बालकको शव फेला परेको छ । काठमाडौंको नयाँ बसपार्कमा २ दिनअघि बेपत्ता बनेका बालक ८ वर्षीय प्रयास कुँवरको अपहरण पछि हत्या भएको अवस्थामा शव फेला परेको हो ।
स्वस्तीका गेष्टहाउसका सञ्चालक प्रविण कुँवरका छोरा कक्षा १ मा अध्यनरत ८ वर्षीय प्रयासको गेष्टहाउसकै गाडी चालक स्याङ्जा भिरकोटका महेन्द्र सार्कीले अपहरणपछि हत्या गरेको प्रहरीले जानकारी गराएको छ । हत्या गरेर बालकको शव झोलामा हालेर सामाखुशी खोलामा फालेको अवस्थामा भेटिएको हो ।
हराएका बालकको बाबु संगै खोजी कार्यमा संलग्न सार्की बालकसँग हराउनु अघिसम्म देखिएपछि उनीमाथि प्रहरीले अनुसन्धान केन्द्रित गरेको थियो । महानगरीय अपराध महाशाखाका प्रमुख एसएसपी धिरजप्रताप सिंहका अनुसार सार्कीले मालिकसंग तलबको विषयलाई लिएर विवाद भएपछी उनको अबोध छोराको हत्या गरेको स्वीकार गरेका छन ।
बालक एक्लै भएको मौका पारि सार्कीले चकलेट खान दिई फकाएर गेस्ट हाउसबाट बालकलाई होटलकै गाडीमा चढाएर जंगल तर्फ लागेको र गाडीभित्रै बालकको नाकमुख तथा घाँटी थिचेर हत्या गरेको प्रहरीसामु उनले बयान दिएको बताइएको छ ।