भक्तपुर, १३ मंसिरयस वर्षको एसइई परीक्षाको मिति तय गरिएको छ । राष्ट्रिय परीक्षा बोर्डले यस वर्षको एसइई परीक्षाको मिति तय गरेको हो ।
बोर्डका परीक्षा नियन्त्रक कृष्ण शर्माका अनुसार एसइई परीक्षा आगामी चैत्र १० गते आइतबारबाट शुरु हुने छ । बिहान ८ बजेदेखि ११ बजेसम्म चल्ने परीक्षाको पहिलो दिन अनिवार्य अङ्ग्रेजीको परीक्षा हुने बताइएको छ ।
चैत्र १० गते अनिवार्य अङ्ग्रेजी, ११गते अनिवार्य नेपाली, १२ गते बिदा, १३ गते अनिवार्य गणित, १४ गते अनिवार्य विज्ञान र वेदविद्याश्रमतर्फ अनिवार्य संस्कृत, व्याकरण र अनुवाद, १५ गते अनिवार्य सामाजिक अध्ययन र प्राविधिक धारको विषय, १६ गते अनिवार्य स्वास्थ्य, जनसङ्ख्या तथा वातावरण शिक्षा, संस्कृततर्फ अनिवार्य संस्कृत भाषा र प्राविधिक धारतर्फका विषय त्यस्तै १७ गते साधारण तथा संस्कृततर्फका ऐच्छिक प्रथमपत्रका सबै विषय, वेद तथा नीतिशास्त्र र प्राविधिकतर्फको ऐच्छिक गणित, १८ गते साधारण तथा संस्कृततर्फका ऐच्छिक द्वितीयपत्रका सबै विषयको परीक्षा हुनेछ भने १९, २० र २१ गते प्राविधिकतर्फका बाँकी विषयको परीक्षा सञ्चालन गरिने परीक्षा तालिका प्राप्त भएको छ।
हेर्नुस् तालिका
