काठमाडौँ, १६ मंसिरमेलम्चीको आशामा आखाँ बिछ्याइबसेका राजधानीवासीले फेरि अर्को आस्वाशन पाएका छन् । मेलम्चीको पानी ६० दिनमा राजधानीमा ल्याइपुर्याउने खानेपानी मन्त्रालयले प्रतिबद्धता जनाएको हो ।
प्रतिनिधिसभा, विकास तथा प्रविधि समितिको आइतवारको बैठकमा मन्त्रालयका सचिव गजेन्द्रकुमार ठाकुरले ६० दिनमा सम्पूर्ण काम सकेर सुन्दरीजलसम्म प्रशोधन केन्द्रमा पानी ल्याइपुर्याउने प्रतिबद्धता प्रकट गरे ।
यसअघि युवा उर्जाका साथ मन्त्रालय सम्हालेकी खानेपानी मन्त्री विना मगरले दशैँको उपहारस्वरु मेलम्चीको पानी राजधानी ल्याइपुर्याउने बताएपनि सो अनुसार हुन नसक्दा राजधानीबासी निरास बन्दै आएका छन् । तर,यो पटक राजधानीबासी निरास बन्नु नपर्ने सचिव गजेन्द्रकुमारले दाबी गरे ।
पहिलो चरणमा पानी आएलगत्तै उपत्यकाका १ लाख ८० हजार धारामा पानी वितरण गरिने सचिव ठाकुरले बताए । आयोजना सम्पन्न भएपछि दैनिक १७ करोड २८ लाख लिटर पानी राजधानीमा वितरण हुने छ ।
मन्त्रालयले पानीको महसुल पनि न्यूनतम रु ३ सय हुने गरी बढाउने बताइएको छ ।