२०७५ मंसिर १७ गते
काठमाडौं । नेपाल कम्युनिष्ट पार्टी (नेकपा)ले अन्ततः प्रदेश सदस्यहरुको नामावली टुंङग्याएको छ । नेकपाले सोमवार प्रदेश सदस्यहरुको नामावली सार्वजनिक गरेको छ ।
सार्वजनिक नामावली अनुसार प्रदेश १ मा २०७ जनाको कमिटी बनेको छ । जसमा तत्कालीन माओवादी केन्द्रबाट ८५ र तत्कालीन एमालेका १२२ जना रहेका छन् । त्यस्तै प्रदेश २ मा २१५ सदस्यीय कमिटी बनेको छ । जसमा तत्कालीन एमालेका १०६ र तत्कालिन माओवादी केन्द्रबाट १०६ र एकताबाट आएका ३ जना रहेका छन् ।
प्रदेश ३ मा २१७ सदस्यीय बनेको छ । जहाँ तत्कालीन एमालेका ११६ र तत्कालीन माओवादीका १०१ जना रहेका छन् ।
त्यस्तै गण्डकी प्रदेश १८७ सदस्यीय बनेको छ । जसमा तत्कालीन एमालेका १०२ र माओवादीका ८५ जना परेका छन् । प्रदेश ५ मा २०३ सदस्यी बनेको छ । जसमा तत्कालीन एमालेका १०६ माओवादीका ९७ जना सदस्य परेका छन् ।
त्यस्तै, माओवादीको प्रभाव रहेको कर्णाली प्रदेश १७५ सदस्यीय बनेको छ । यसप्रदेशमा तत्कालीन एमाले भन्दा माओवादीले १ सदस्य बढी पाएको छ । यसमा तत्कालीन एमालेका ८७ र माओवादीका ८८ जना सदस्य बनेका छन् ।
सुदुरपश्चिम प्रदेश भने १८३ सदस्यी बनेको छ । जसमा तत्कालीन एमालेका १ सय र माओवादीका ८३ जना प्रदेश कमिटीमा अटाएका छन् ।
१३९० सदस्य रहेको सातवटा प्रदेश कमिटीमा ‘प्रतिष्ठित’ व्यक्तिदेखि साना पार्टीका केन्द्रीय अध्यक्षसम्म अटेका छन् ।
नेकपा माले, नयाँ शक्ति पार्टी, फोरम लोकतान्त्रिक, राप्रपा, राजपा, संघीय समाजवादी फोरमका केन्दीय सदस्यहरू पनि नेकपा प्रदेश कमिटी सदस्य बनेका छन् ।
पूर्वनेकपा एमाले र पूर्वमाओवादीवीच करिब ५३/४६ प्रतिशतको भागवण्डा मिल्ने गरी नेकपाले सातवटै प्रदेश कमिटीहरुको टुंगो लगाएको हो । करिब ०.२१ प्रतिशत सदस्य अन्य दलबाट लिइएको छ ।