भक्तपुर, २६ मंसिरभक्तपुरमा शिक्षक पेशागत सहयोग तालिम सम्पन्न भएको छ । जिल्लास्थित २ दर्जन विद्यालयका प्रतिनिधिहरुलाई प्रदान गरिएको ५ दिने शिक्षक पेशागत सहयोग तालिम मंगलवार सम्पन्न भएको हो ।
जिल्ला विकाश तथा समन्वय इकाई भक्तपुरको सभाहलमा संचालित उक्त ५ दिने तालिमको मंगलवार इकाई प्रमुख हरि दाहालले समापन गरेका हुन् । प्रारम्भिक कक्षा पढाइ कार्यक्रम बिषयक उक्त शिक्षक पेशागत सहयोग तालिममा २४ शिक्षकको उत्साहप्रद सहभागीता रहेको थियो ।
तालिम समापन कार्यक्रममा बोल्दै इकाई प्रमुख दाहालले तालिमबाट सिकेका कुराहरु कक्षा कोठामा लागू हुनुपर्नेमा जोड दिए ।’ तालिम केवल प्रमाणपत्रको लागि हुनुहुदैन, यसको प्रयोग सिकाइस्तर सुधार्न हुनुपर्दछ ।” उनले भने ।
तालिमप्राप्त शिक्षकहरुले तालिम आफ्नो पेशागत बिकाशमा सहयोगी भएको बताए । शिक्षकहरुको तर्फबाट बोल्दै ज्ञान विजय विद्यालयका शिक्षक सुरेश न्यौपानेले इजीआरपी तालिमबाट आफूहरुले धेरै कुरा सिकेको र यस्ता तालिमहरुले शिक्षकहरूमा ताजगी ल्याउने भन्दै निरन्तर तालिमको अवसर हुनुपर्ने धारणा व्यक्त गरे ।
शिक्षा तालिम केन्द्र, धुलिखेलको आयोजनामा संचालित कार्यक्रममा चन्द्रप्रसाद लुइँटेल, बिमल निरौला, यमुना मेडम, लक्ष्मी पाण्डे लगायतले तालिम दिएको तालिम केन्द्रका प्रतिनिधि राजकुमार बिष्टले बताए ।