सरकारले साना किसानहरुको ऋण मिनाहा गर्ने निर्णय गरेको छ । सोमबारको मन्त्रिपरिषद बैठकले उक्त निर्णय गरेको हो ।

सरकारले कृषि विकास बैंकबाट ऋण लिएका किसानको सवा २९ करोडभन्दा बढी ऋण मिनाहाको घोषणा गरको सञ्चार तथा सूचना प्रविधि मन्त्री एवं सरकारका प्रवक्ता गोकुल बाँस्कोटाले जानकारी दिएका हुन्।

मन्त्री बाँस्कोटाले तत्कालीन साना कृषि सहकारीबाट ऋण लिएका किसानको ऋण मिनाहा गर्नेगरी मन्त्रिपरिषद्बाट निर्णय भएको बताए ।

सावाँ र व्याजसहित अहिले एक अर्ब रुपैयाँभन्दा बढी पुगेको उक्त रकम सरकारले तिरिदिने भएको हो । यस निर्णयले धितो बन्धक भएका किसानको धितो फुकुवा हुने भएको छ । यसबाट ६ सयदेखि ७ सय परिवार लाभान्वित हुने मन्त्री बाँस्कोटाले बताए।