News Portal

  • पाठ्यपुस्तकमा पुस १ लाई कालोदिन नलेख्न चेतावनी

    नेपलवाल संवाददाता काठमाडौं, २ पुस
    ९२४ पटक
    काठमाडौं, २ पुस

    पुनरुत्थानवादी शक्ति नेपालले विद्यालयका पाठ्यपुस्तकमा नियतवस त्रुटि गरिएको आरोप लगाउदै हटाउन माग गरेको छ । सरकारले पाठ्यपुस्तकमा नियतवस त्रुटि गरेको भन्दै अविलम्व हटाउन माग गरिएको हो ।

    पुनरुत्थानवादी शक्तिले आइतवार राजधानीमा पत्रकार सम्मेलन गर्दै कक्षा १० को सामाजिक विषयको पुस्तकमा वि.सं.२०१७ साल पुस १ को दिनलाई कालो दिन भनेर लेखिएको प्रति आपत्ति जनाएको हो । उक्त संगठनले उक्त कुरा पाठ्यक्रमबाट नहटाए कडा आन्दोलनको चेतावनी समेत दिएको छ ।

    पुस १ मा राजा महेन्द्रले प्रत्यक्ष शासन सुरु गरेपछि नेपाली भाषालाई अनिवार्य गरेको, नेपालमा भारतीय नोटहरुको प्रयोगमा कमी ल्याएको, विदेशीलाई नेपाली भूमी किन्नमा निषेध गरेको जस्ता महत्वपूर्ण कार्य गरेकोले पौष १ लाई नेपाली इतिहासमा अविस्मरणीय दिनको रुपमा मनाउनुपर्ने पुनरुत्थानवादी शक्तिले माग गरेको छ ।

    पत्रकार सम्मेलनमा बोल्दै पुनरुत्थानवादी शक्तिका नेता शेखरजंग रायमाझीले सरकारले राजा महेन्द्रका योगदानहरु लुकाउँदै उनको कुप्रचार मात्रै गरेको आरोप लगाए । आफ्नो पार्टी नेपालको शैक्षिक गुणस्तर सुधार र शिक्षाको पुनरुत्थान अभियानमा जुटिरहेको भन्दै रायमाझीले गलत विषय पाठ्यक्रममा राखेर सरकारले बालबालिकाहरुको कलिलो मनलाई बिगार्ने काम गरेको आरोप लगाए ।

    प्रसिद्ध स्वीस भुगर्वविद टोनी हेगनले समेत नेपालका राजा महेन्द्र संसारकै महत्वपूर्ण व्यक्तित्व भएको भनी प्रशंसा गरेकोमा त्यस्ता महान् नेपाली राजाले शासन आफ्नो हातमा लिएको दिनलाई कालो दिनमा राखिनु र विद्यालयका बालबालिकालाई समेत सिकाउन पाठ्यक्रममा नै समेटिनुले राजा महेन्द्रले देशको स्वाभिमान, अखण्डता कायम गर्नका लागि गरेका कैयौँ महत्वपूर्ण कार्यको अवमूल्यन गरेको पुनरुत्थानवादी शक्तिको ठहर छ ।

    कालो दिन नभइ पुस १ लाई नेपाली इतिहासकै अविस्मरणीय दिनको रुपमा मनाउनुपर्ने पुनरुत्थानवादी शक्ति नेपालको नेता रायमाझीले बताए ।

    पुनरुत्थानवादी शक्ति नेपालका अर्का नेता शरद मिश्रले सरकारले शिक्षामा गरेको निरन्तरको प्रहारले गुणस्तरमा समस्या देखिएको आरोप लगाए । विद्यालयको सम्पत्तिमा आँखा लगाउने, अस्थायी शिक्षकहरुमाथि ज्यादति गर्ने, पाठ्यक्रममा गलत विषय पढाउने काम आफ्नो पार्टीले रोकेरै छाड्ने मिश्रले स्पष्ट पारे ।

    अधिवक्ता कोषराज काफ्लेले राजनीतिक बिषयलाई तोडमोड गरेर कुप्रचार गर्नाले इतिहासको रक्षा नहुने र यसले कलिला बालबालिकामा मनोबैज्ञानिक असर गर्ने भन्दै व्यवस्था परीबर्तन हुनासाथ निषेध राजनीतिमा स्वीकार्य भए पनि शिक्षामा स्वीकार्य हुन् नसक्ने जिकिर गरे । राजा महेन्द्रले दुईतिहाइ कांग्रेस सरकार बर्खास्त गरेको दिनलाई कालो दिन भनेर पढाउदा भोली अर्को व्यवस्था आएमा लोकतन्त्र बहाली भएको दिनलाई कालो दिन मान्नुपर्ने हुनसक्ने भन्दै उनले शिक्षालाई राजनीतिको शिकार नबनाउन जोड दिए ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...