News Portal

  • राम्रीमा विद्यार्थी बोकेको बस दुर्घटना हुँदा १६ को मृत्यु ११ घाइते

    ६ पुस
    ६५७ पटक
    ६ पुस

    दाङमा विद्यार्थी बोकेको बस दुर्घटना हुँदा १६ जनाको मृत्यु भएको छ । तुलसीपुर उपमहानगरपालिका– ३ राम्री नजिक बा ४ ख ९७६६ नम्बरको विद्यार्थी बोकेको बस दुर्घटना हुँदा १६ जनाको मृत्यु भएको दाङका एसपी बेलबहादुर पाण्डेले बताउनुभयो । दुर्घटनामा १० जना घाइते भएका छन् ।

    सल्यानको कपुरकोटस्थित मुलपानी वनस्पती उद्यानको अवलोकन भ्रमण गरेर फर्किंदै गरेको विद्यार्थी र शिक्षक चढेको बस शुक्रबार साँझ दुर्घटनामा परेको हो । बसमा सहिद कृष्णसेन प्राविधिक शिक्षालयका शिक्षक तथा विद्यार्थीसहित ३१ जना चढेका थिए । बसमा ९ जना महिला र २२ जना पुरूष थिए ।

    बस झण्डै सात सय मिटर तल भीरमा खसेको इलाका प्रहरी कार्यालय तुलसीपुरका प्रहरी नायब उपरीक्षक प्रेमबहादुर शाहीले जानकारी दिनुभयो ।

    यही बर्षदेखि सञ्चालनमा आएको सहिद कृष्णसेन इच्छुक बहुप्राविधिक शिक्षालय घोराहीको गाडी दुर्घटनामा परेको प्रिन्सिपल यादव सुवेदीले जानकारी दिनुभयो । यही बर्ष सिटिइभिटीको आंगिक कलेजको रुपमा स्थापना भएको शिक्षालय घोराही १७ गैरागाउँमा सञ्चालन भैरहेको थियो । वन विज्ञानमा अध्ययनरत विद्यार्थीहरु जुलोजी र बोटानीका शिक्षकसहित फिल्ड भ्रमणका लागि शुक्रबार कपुरकोट गएका थिए ।

    दुर्घटनामा घाईते हुनेहरुमा जुम्ला तातोपानी गाउाँपालिका १४ बस्ने १८ वर्षीया हिमाली हमाल, जुम्ला चन्दनाथ गाउपालिका ३ बस्ने १६ वर्षीय कुशेन्द्र खत्री, जिल्ला दाङ घोराही उपमहानगरपालिका १५ रतनपुर बस्ने १७ वर्षीया समिक्षा रोकाया, जिल्ला अछाम मंगलसेन नगरपालिका बस्ने १८ वर्षीया बिक्रम भण्डारी, जिल्ला रुकुम त्रिबेणी गाउँपालिका ३ बस्ने १६ वर्षीय प्रेम बहादुर खड्का, जिल्ला दाङ घोराही उपमहानगरपालिका १९ स्यूजा बस्ने १७ वर्षीया मेनुका रिजाल, जिल्ला जुम्ला चन्दनाथ गाउँपालिका २ बस्ने १७ वर्षीय जिबन भण्डारी, सोही ठाउँ बस्ने १६ वर्षीया पर्शा रोकाया, जिल्ला अछाम मंलगसैन नगरपालिका बस्ने १९ वर्षीय यूवराज ढुंगाना, जिल्ला रुकुम सानोभेरी गाउँपालिका ३ बस्ने १६ वर्षीया रोजिना पुन रहेका छन् ।दाङ खबरबाट साभार

    प्रतिकृया दिनुहोस्

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...