भक्तपुर, २९ पुस कलाकारसमेत रहेका निर्माता प्रकाश सुब्बाको लगानीमा बाल मनोविज्ञानमा आधारित चलचित्र ‘मिराज’ निर्माण भएको छ ।
चलचित्रमा प्रकाश १५ वर्षको बालक र ३० वर्षको युवकको भूमिकामा देखिएका छन् । एकै व्यक्ति किसोर र युवकको भूमिकामा देखिनु चलचित्र जगतमा दुर्लभ मानिन्छ । १५ वर्षको बालकको भूमिका निर्वाह गर्नका लागि उनले २० किलो तौल घटाएका थिए ।
मिराज बनाउन तीन वर्ष लागेको निर्माता सुब्बाले जानकारी गराए । यो बाल मनोविज्ञानमा आधारित पहिलो चलचित्र भएको समेत उनको दावी छ ।
पूर्वी नेपालमा छायांकन गरिएको फिल्ममा अशोक चेम्जोङ, रुबी आचार्य, गुरु लामा कार्की, सरोज केसी, तीर्थ यक्सो, शिशिर सुवेदी, केशव रायमाझी, दिनेश कोइराला, भीम लामालगायतका कलाकारको अभिनय देख्न सकिन्छ ।
यसअघि त्रास, बाटो मुनिको फूल २, गोल लगायतका चलचित्रमा अभिनय गरेका प्रकाश सुब्बाको यो सन्देशमुलक सन्पेन्स चलचित्र नयाँ बर्षको अवसर पारेर बैशाखमा प्रदर्शन गर्ने तयारी रहेको जानकारी प्राप्त भएको छ ।