News Portal

  • सहयात्रीले ‘शिखरको ढुङ्गा’ल्याएपछि प्रचण्डले भने- जनयुद्धमा सामेलहरु हरेक क्षेत्रमा अगाडि हुनुपर्छ

    संजीप शुभचिन्तक काठमाडौँ, २९ माघ
    ९७५ पटक
    काठमाडौँ, २९ माघ

    नेपाल कम्युनिष्ट पार्टी(ने क पा) का अध्यक्ष पुष्पकमल दाहाल प्रचण्डले जनयुद्धका योद्धाहरु समाजको सबै तहमा अग्र पंतिमा हुनुपर्नेमा जोड दिएका छन । उनले जनयुद्धमा अब्बल व्यक्तिहरु सामेल रहेको दावी गर्दै उनीहरुले समाजको अगुवाई गर्नुपर्नेमा जोड दिएका हुन् ।

    मंगलवार राजधानीमा जनयुद्धका एक कमान्डर समेत रहेका युवा नेता एवं जनप्रिय लेखक सरल सहयात्रीद्वारा लिखित उपन्यास ‘ शिखरको ढुंगा’ सार्वजनिक गर्दै प्रचण्डले भने,” पूर्व लडाकु मीरा राइले म्याराथुनमा विश्व रेकर्ड राख्दा जसरी हामी सबैको शीर उचो भएको छ त्यसैगरी जनयुद्धमा सामेल सबैले आ आफ्नो क्षेत्रमा राम्रो गरेर जनयुद्धमा सामेल भएकाहरु सबै सक्षम र योग्यहरू हुन् भन्ने सावित गर्नुपर्छ ।” उनले ससक्त लेखन बाट लेखक सहयात्रीले आफूलाई लेखन विधामा स्थापित गराएकोमा बधाई दिदै जनयुद्धमा सामेल व्यक्तिहरु सफल बन्दा सबैभन्दा बढी खुशी आफूलाई लाग्ने बताए ।

    लेखक सहयात्रीले उपन्यासमा शिखरको ढुंगाको रुपमा अर्थ्याएको गणतन्त्र र परिबर्तन सस्थागत हुने कुरामा ढुक्क रहन भन्दै अध्यक्ष प्रचण्डले निराशा र शंकालाई छोडेर उत्साह र विश्वासका साथ् अगाडि बढ्नसमेत आह्वान गरे ।

    लेखक सरल सहयात्रीसहितको टोलीले सगरमाथाको सफल आरोहण गरेको समयको सस्मरण गर्दै उनले भने,” त्यसबेला तपाईहरु ज्यानको मायाँ मारेर शान्ति र सक्षमताको संदेश दिन सगरमाथा चढ्दै हुनुहुन्थ्यो तर यहाँ विरोधीहरुले राज्यको पैसा लिएर पिकनिक मनाउन खोजेको जस्तो गर्दै बिरोध गरे ।” उनले केहि मानिसहरु आफूहरुले जे गरेपनि नकारात्मक देख्ने बानी परेको बताएका थिए । उक्त अवसरमा अध्यक्ष प्रचण्डले आफूलाई आफ्नो व्यक्तिगत रुचीका कयौं काम गर्न फुर्सद नै नभएको दुखेसो पोख्दै आफू जनयुद्धको मर्मबाट बिचलित नभई परिवर्तनको दिशामा अहोरात्र खटिरहेको जिकिर गरे ।

    उक्त अवसरमा उपन्यास ‘शिखरको ढुङ्गा’को समालोचना गर्दै समालोचक नयनराज पाण्डेले कृति उत्कृष्ट रहेको बताए । अध्ययन अवधिभर आफैले शिखर चढे झैँ अनुभुती हुने र शिखरको चिसोले नछोड्ने भन्दै पाण्डेले लेखकीय कुशलताको तारिफ गरेका थिए भने अर्का वक्ता त्रिविका शिक्षाध्यक्षसमेत रहेकी प्राडा सुधा त्रिपाठीले उपन्यासका पात्रहरु आफ्नै ओरिपरिका आफ्नै भाइबहिनी जस्ता लाग्ने र नायकले शिखरको ढुङ्गा पाउलाकी नपाउला भन्ने कौतुहलताले पछ्याइरहने भन्दै ‘शिखरको ढुङ्गा’ राजनीति र पर्वतारोहण बुझ्न चाहनेहरुले पढ्नैपर्ने पुस्तक भएको प्रष्ट पारेकी थिइन् ।

    उपन्यासकार सरल सहयात्रीले जनयुद्धको क्रममा आफ्नो सहोदर दाजु शम्भु पौडेललगायत हजारौ सहयोद्धाहरु गुमाउनुको पीडाबीच प्राप्त परिवर्तनमाथि उब्जेका प्रश्नहरुको उत्तर खोज्न उपन्यास तयार पारेको बताउदै यो केवल कल्पना नभई यथार्थमा आधारित रहेको बताए ।

    प्रतिकृया दिनुहोस्

    संसदमा अरुलाई गालीगलौज गरेर आफ्नो उपस्थिति देखाउने दौडमा म छैन : दुर्लभ थापा

    durlav thapa

    भक्तपुर क्षेत्र नं. २ का प्रतिनिधि सभा सदस्य दुर्लभ थापाले आफू जनताको प्रतिनिधि भएकाले जनताको...

    सीटीइभीटीको जीप सुनकोशीमा खस्दा २ निर्देशक र एक अधिकृत बेपत्ता

    भक्तपुरको सानोठिमीस्थित प्राविधिक शिक्षा तथा व्यवसायिक तालिम परिषद (सीटीइभीटी) को जीप सुनकोशीमा खस्दा २ निर्देशक...

    नयाँदिल्ली पुगेका प्रधानमन्त्री प्रचण्डको राजनीतिक भेटवार्ता शुरु

    तेस्रो कार्यकाल सम्हालेका प्रधानमन्त्री पुष्पकमल दाहाल प्रचण्ड औपचारिक भ्रमणका लागि भारत पुगेका छन् । उनले...

    दुवाकोटस्थित गोल्डेन सुनगाभा स्कूलले नमूना संसद चलाउने

    sungava school

    भक्तपुरको चाँगुनारायण नगरपालिका वडा नं. २ दुवाकोटस्थित गोल्डेन सुनगाभा स्कूलले नमूना संसद अभ्यास गर्ने भएको...

    पूर्व सचिव उपाध्यायको स्टाटसप्रति पूर्वमन्त्री महेश बस्नेतको आपत्ति

    नेपाल सरकारका पूर्वसचिव भिम प्रसाद उपाध्यायले सामाजिक संजालमा राखेको स्टाटसप्रति पूर्व मन्त्री समेत रहेका नेकपा(एमाले)...