काठमाडौ, ११ फागुन ‘वैज्ञानिक समाजवादी कम्युनिष्ट पार्टी नेपाल’ निर्माणको लागि वैचारिक, राजनीतिक तथा सङ्गठनात्मक अभियान समिति दलित विभागद्वारा राष्ट्रिय भेलाको आयोजना गरिएको छ । सो भेलाले जात व्यवस्था उन्मूलन मोर्चा निर्माण गर्ने तयारी गरेको छ ।
राजधानीको बिजुलीबजारमा आयोजित उक्त राष्ट्रिय भेलाको शनिवार उद्घाटन गर्दै अभियानका संयोजक विश्वभक्त दुलाल आहुतीले अवको आन्दोलन पुँजिवादी व्यवस्थाको विकल्प खोज्ने आन्दोलन हुनुपर्नेमा जोड दिए । अव उठ्ने आन्दोलनले समग्र दलितहरुको हक र अधिकार ग्यारेन्टी हुने उनले दावी गरे ।
पुँजीवाद अन्तर्गत दलितको मुक्ति संम्भव नहुने हुँदा दलितको नाममा राजनीतिक ‘पसल’ थाप्नेहरूको पछि लागेर मुक्ति नमिल्ने उनको जिकिर छ । पँजीवादको विरुद्ध संघर्ष गर्नुपर्ने आवश्यक भैसकेकोले अव सबै दलित एकै मोर्चामा आएर मुक्ति आन्दोलन गर्नुपर्ने उनले बताए ।
उक्त भेलामा देशका चालिस जिल्लाबाट दुई दुई जना प्रतिनिधिहरूको सहभागिता रहेको सो अभियान अन्तर्गत दलित विभागका संयोजक राजकुमार हिङ्गमाङले जानकारी दिए ।
‘भेलाले आजै जात व्यवस्था उन्मूलन मोर्चा नामक संङ्गठन घोषणा गर्नेछ । ” हिङ्गमाङले भने ।
