News Portal

  • टिफिन बक्स भित्रको बम पड्किदा १ जनाको ज्यान गयो

    ६१० पटक

    धनगढी, ३ साउन । धनगढी उपमहानगरपालिकास्थित चटकपुरमा बिहीबार साँझ भएको विष्फोटन परी घाइते भएका एक जनाको मृत्यु भएको छ । विष्फोटमा परी पाँच जना घाइते भएका थिए ।

    बिहीबार साँझ ६ः४५ बजे धनगढीको चटकपुरमा रहेको निलम होटेल अगाडि भएको विष्फोटनमा परी घाइते भएका मध्ये राम सिंह नाम गरेका व्यक्तिको गएराति मृत्यु भएको हो । उनको धनगढीस्थित माया मेट्रो अस्पतालमा उपचार भइरहेको थियो । उपचारकै क्रममा गएराति ११ः१५ बजे सिंहको मृत्यु भएको जिल्ला प्रहरी कार्यालय, कैलालीले जनाएको छ ।

    प्रहरीले यो घटना आफैले बोकेको बम विष्फोट भएर भएको दावी गरेको छ । साथै घटनामा नेत्रविक्रम चन्द विप्लव नेतृत्वको नेपाल कम्युनिस्ट पार्टीको हात रहेको दावी पनि प्रहरीको छ । घाइते भएका मध्ये लक्ष्मण सेरेला नाम गरेका व्यक्ति विप्लव माओवादीका सक्रिय कार्यकर्ता रहेको प्रहरीले दावी गरेको छ । उनी बिहीबार मृत्यु भएका राम सिंहले चलाएको मोटरसाइकल पछाडि बसेर चटकपुर पुगेको र त्यहाँ खाजा खान झरेका बेला विष्फोट भएको प्रहरीकाे दावी छ । प्रारम्भिक अनुसन्धानबाट ‘टिफिन बक्स’मा रहेको विस्फोटक पदार्थ विष्फोट भएको थाहा भएको पनि प्रहरीले जनाएको छ । घटनास्थलमा स्टीलको टिफिन बक्सको अवशेष भेटिएको थियाे ।

    तर, यता नेकपाले भने यसमा पार्टीको कुनै सम्लग्नता नरहेको भन्दै यसको खण्डन गरेको छ । नेकपाका कैलाली सेक्रेटरी प्रकाश मल्ल बमले भनेका छन्, ‘कहीँ विस्फोट तथा आतंक हुँदा सिधैं हाम्रो पार्टीको नाम जोड्ने र बदनाम गर्ने सरकारो नीति छ । अनावश्यक रूपमा हामीलाई मुछेर बदनाम गर्ने सरकारको नीति बन्द गरियोस् ।’

    प्रहरीका अनुसार मृतक सिंहको कम्मर पछाडिको भागमा गम्भीर चोट लागेको थियो । शरिरमा गम्भीर घाउ लागेर छटपटाइरहेका सिंहलाई माया मेट्रो अस्पताल पुर्‍याइएको थियो । अस्पताल पुर्याएपछि सिंहलाई त्यहाँका चिकित्सकले त्यहाँ उपचार सम्भव नभएको भन्दै तत्काल बाहिर सुविधासम्पन्न अस्पतालमा लैजान सिफारिस गरेका थिए ।

    अहिले उनको शव अहिले पोस्टमार्टमका लागि सेती अञ्चल अस्पतालमा राखिएको छ । प्रहरीले बझाङ घर भएका सिंह नेकपाका कार्यकर्ता भएको दावी गरेको छ ।

    बम विष्फोटमा कञ्चनपुरको बेलौरी–५ का लक्ष्मण सेरला, मोबिन खान, जितेन्द्र यादव र धनगढी–४, बोराडाडीका केशवराज पाण्डे घाइते भएका छन् । उनीहरू सबैको माया मेट्रो अस्पतालमा उपचार भइरहेको छ । घाइते मध्ये केशवराज पाण्डे होटल सञ्चालक भएको र मोविन खान त्यही होटल नजिकै रहेको गाडी मर्मत केन्द्रका मिस्त्री रहेको प्रहरीले जनाएको छ ।

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    ४ महिना थप ३७ जनामा एचआइभी एड्स संक्रमण

    झापामा चार महिनाको अवधिमा ३७ एचआइभी एड्स सङ्क्रमित थपिएका छन् । यस वर्षको साउनदेखि कात्तिकसम्ममा...

    सुनसरी -४ बाट सञ्चार मन्त्री कार्की निर्वाचित

    सुनसरी क्षेत्र नम्बर–४ बाट सूचना तथा सञ्चार मन्त्री एवम् नेपाली कांग्रेसका उम्मेदवार ज्ञानेन्द्रबहादुर कार्की निर्वाचित...

    अङ्ग्रेजी माध्यमले तान्यो विद्यार्थीको आकर्षण

    गुल्मी मालिका गाउँपालिका–४ का १२ वर्षे अमृत अर्याल विद्यालय पुग्न दैनिक तीन घण्टा पैदल हिँड्नुहुन्छ...

    कामनपाको आतंक मच्चाउने कार्य रोक्न महासंघको माग

    अखिल नेपाल किसान महासंघ (क्रान्तिकारी केन्द्र)ले काठमाडौँ महानगरपालिकाको क्रियाकलापहरू तत्काल रोक्न महानगरपालिकासमक्ष जोडदार माग गरेको...

    विपद्बाट बच्न सँधै तयार रहनुपर्ने : प्रमुख प्रजापति

    भक्तपुर नगरपालिकाका प्रमुख सुनिल प्रजापतिले विपद् जोखिम अप्रत्यासित रुपमा आइपर्ने काबु बाहिरको परिस्थिति भएले यसबाट...