भक्तपुर, ३ साउन । सानोठिमीस्थित शिक्षा तथा मानव स्रोत विकास केन्द्रले खुला प्रतिस्पर्धाबाट छनोट भएका माध्यमिक तहका शिक्षकहरुको शुक्रवारबाट पदस्थापना शुरु गरेको छ ।
शिक्षक सेवा आयोगबाट छनौट भै सिफारिस भएको १ महिना बितिसक्दा पनि पदस्थापन हुन सकेको थिएन । आयोगमा ५ सय ३ रिक्त दरबन्दी रहेपनि आयोगले १ हजार ९७ जनाको नाम सिफारिस गरेपछि ५ सय ९४ शिक्षकको पदस्थापनामा केन्द्रलाई सकस परेको थियो ।
शुक्रवार केन्द्रले बाँकी शिक्षकलाई ७७ जिल्लामै बाँडेर पदस्थापनाका लागि एकमुष्ठ रुपमा पठाएको छ ।
हेर्नुस् पदस्थापनाका लागि पठाइएको शिक्षकहरुको विषयगत नामावलीः
शिक्षक नियुक्ति तथा पदस्थापनाका आधारहरुः
१. सम्बन्धित शिक्षा विकास तथा समन्वय इकाईले आफ्नो जिल्ला अन्तर्गत रिक्त रहेको तह र विषयगत दरबन्दी संख्या अनुसार शिक्षकहरुलाई गाँउ नगरपालिका रोज्न लगाउने ।
२. उल्लिखित शिक्षक नियुक्ति तथा पदस्थापनका आधारहरु बमोजिम तह, विषय र सिफारिस भएको गाँउरनगरपालिका खुलाई स्थायी नियुक्ति पत्र दिने ।
३ .बिद्यालयमा पदस्थापन गर्न स्थायी नियुक्ति प्राप्त गरेका विषयगत शिक्षकहरुको नामावली र विधालयगत रिक्त दरबन्दीको विवरण सम्बन्धित गाँउ नगरपालिकालाई उपलब्ध गराउने ।
४. शिक्षा विकास तथा समन्वय इकाइबाट प्रा. बिवरणका आधारमा स्थानीय तहले शिवा नियमावली अनुसार तह, कक्षा, विषय र विद्यार्थी संख्याको आधारमा विद्यालय रोज्न लगाई पदस्थापन गर्ने ।
५, शिक्षा विकास तथा समन्वय इकाइले नियुक्त गरिएका शिक्षकहरुको एकमुष्ट नामावली मात्र शिक्षा तथा मानव स्रोत विकास केन्द्रमा पठाउने
