भक्तपुर, १२ साउन
भक्तपुर, १२ साउन भारतको सत्तारुढ दल भारतीय जनता पार्टीका प्रभावशाली नेता डा. सुब्रमन्यम स्वामीले नेपाललाई हिन्दुराष्ट्र घोषणा गरिनुपर्ने माग गरेका छन् । भारतको राज्यसभाका सांसदसमेत रहेका सुब्रमन्यमले काठमाडौ आएरै यस्तो माग गरेका हुन् ।
विश्व हिन्दु महासंघ र विश्व हिन्दु परिषद्द्वारा काठमाडौमा आयोजित एक कार्यक्रमलाई सम्बोधन गर्दै उनले नेपालको इतिहास हिन्दु राज्य बिना अपूरो हुने जिकिर गरे । नेपाललाई हिन्दु राष्ट्र कायम गर्न पर्नेमा जोड दिंदै उनले भारतको यसमा साथ् रहने बताए ।
नेपाललाई हिन्दु राष्ट्र कायम गर्न भारतमात्र होइन, चीनसमेत सकारात्मक रहेको उनले दावी गरे । पशुपतिनाथको विशेष पूजा गरेका स्वामीले शनिवार प्रधानमन्त्री केपी शर्मा ओलीसंग पनि भेटवार्ता गरेका थिए ।