भक्तपुर, १२ साउन बाढी तथा डुबानको समस्या भएको झण्डै दुई हप्ता बितिसक्न लाग्दा पनि राज्य तथा जिल्ला बिपत ब्यबस्थापन समितिले अझै सर्लाहीका बाढी तथा डुवानबाट पिडित घर परिवार र क्षतिको विवरण समेत सार्वजनिक गर्न सकेको छैन ।
एकद्दार प्रणालीबाट राहत बितरण गर्ने भन्दै राहत बितरण कार्य लाई रोकेर तथ्याङ्क संकलन गर्ने कार्यलाई अघि बढाइएको भए पनि अझै विवरण नै सार्वजनिक हुन नसकेको हो । विवरण सार्वजनिक नहुँदा सरकारी तवरबाट राहत वितरण कार्य हुन सकेको छैन ।
सर्लाहीस्थित बागमती सेवा समाजले दिएको प्रारम्भिक तथ्याङ्ग अनुसार ३ जना बालबालिकाको ज्यान जाने गरी भएको बाढी तथा डुबानबाट जिल्लामा २ हजार ४ सय घर परिवार र १३ हजार मानिस पुर्णरुपमा बिस्थापित भएका छन । तर जिल्ला बिपत ब्यबस्थापन समितिले भने अझै तथ्यांक सार्बजनिक गर्न सकेको छैन ।
राज्य तथा स्थानीय निकायबाट अझै राहत सामाग्री नपाउदा पिडित परिवारहरुको पिडा माथि झन् पिडा थपिएको स्थानीय पत्रकार प्रेमनाथ पौडेलले भक्तपुरपोस्ट संग भनेका छन् । यद्यपी केहि गैर सरकारी संस्थाका सहयोगका कारण उनीहरुले केहि राहत पाएका बताइएको छ । केहि दिन अघि सर्लाही पुगेकी मन्त्री थममाया थापाले समेत गैर सरकारी संस्थाले दिएको राहत वितरण गरेर फर्किएकी थिइन् ।