भक्तपुर, १३ साउनराष्ट्रिय परीक्षा बोर्डले कक्षा १२ को परीक्षाफल प्रकाशनको अन्तिम तयारी गरेको छ । सोमवार रातीसम्ममा परीक्षाफल प्रकाशन गर्नेगरी कार्य भैरहेको छ ।
राष्ट्रिय परीक्षा बोर्डको गोप्य शाखा श्रोतका अनुसार डमी प्रस्तुत गर्दा देखिएका गल्तीहरु सच्याउने कार्य सोमवार दिउसो सम्म सकिने अपेक्षा गरिएको छ । ”नतिजा प्रकाशनका लागि अहिलेसम्म बोर्ड बैठक बोलाइसकिएको भने छैन ।तर, कम्युटरले ओके भन्नासाथ बैठक बोलाउने तयारी रहेको छ ।” श्रोतले भन्यो ।
श्रोतका अनुसार बोर्ड बैठक सोमबार बोलाइने प्रवल सम्भावना छ यद्यपी यो नै अन्तिम डेट लाइन भने होइन, सोमवार बैठक नबोलाइए परीक्षाफल मंगलवार दिउसो प्रकाशन गरिनेछ ।
परीक्षा बोर्डले गत वर्ष झैँ यस पटक पनि कक्षा १२ का सबै विषयको परीक्षाफल एकै पटक प्रकाशित गर्नेछ । प्राडा चन्द्रमणि पौडेल रास्ट्रिय परीक्षा बोर्डका अध्यक्ष र कृष्ण शर्मा परीक्षा नियन्त्रक भए देखि सबै विषयको एकसाथ परीक्षाफल प्रकाशन हुन थालेको हो । त्यतिमात्र होइन, पहिले परीक्षा भएको ५/६ महिना पछि मात्र परीक्षाफल प्रकाशन हुने गरेकोमा यसपटक परीक्षा सकिएको करीव ७५ दिनमै परीक्षार्थीहरुले परीक्षाफल प्राप्त गर्ने भएका छन ।
शर्मा परीक्षा नियन्त्रक भएपछि गत वर्ष पनि इतिहासमै सवैभन्दा छिटो ८१ औं दिनमा परीक्षाफल प्रकाशन गरिएको थियो । यस पटक त्यो समय पनि ब्रेक गर्दै ७५ दिनमै परीक्षाफल प्रकाशन हुन थालेको हो । रास्ट्रिय परीक्षा बोर्डका अध्यक्ष प्राडा चन्द्रमणि पौडेल लगायत बोर्डका पदाधिकारीहरुको निर्देशन र सहयोगले सबै विषयको एकसाथ र समयमै परीक्षाफल प्रकाशन सम्भव भएको नियन्त्रक शर्माले बताउदै आएका छन् ।
गत बैशाख १६ देखि संचालन भई २८ गते सम्पन्न कक्षा १२ को परीक्षामा करीब ४ लाख ३६ हजार परीक्षार्थीहरु सामेल भएका थिए ।