News Portal

  • आफूले आफ्नै अपहरण गरेपछि

    ५४७ पटक

    पर्सा, १६ साउन । पर्साको विन्दवासिनी गाउँपालिका–४ मधुवल घर भएका २३ वर्षीय उपनेस चौरिसया मंगलबार (साउन १४ गते) घरबाट आफैं मोटरसाइकल चलाएर निस्किएका थिए ।

    सोही दिन उनी सीमावर्ती भारतीय शहर रक्सौल पुगे । रक्सौलको श्याम इन्टरनेशनल नामको होटेलको कोठा नम्बर ५ मा बसेका उपनेसले नेपालबाट आफ्ना थप केही साथीलाई पनि त्यहाँ बोलाए । घरबाट आफैं मोटरसाइकल चलाएर निस्किएका उपनेशबारे मंगलबार साँझ वीरगन्जमा हल्ला चल्यो– उनी त अपहरणमा परे ।

    वीरगन्ज हुँदै उपनेसको घरसम्म उनी अपहरणमा परेको हल्ला चल्यो । परिवारका सदस्यले प्रहरीलाई खबर गरे । प्रहरीले उपनेशको खोजी तीब्र पार्‍यो । उपनेशको अपहरण भएको भन्ने हल्ला चलेपछि प्रहरीले उनका साथी उत्तम भनिने निरन्जन तिवारीलाई नियन्त्रणमा लिएर सोधपुछ थाल्यो ।

    प्रहरीले सोधपुछ शुरु गरेपछि निरन्जनले वास्तविक कुरा बताए । त्यसपछि थाहा भयो उपनेशको अपहरण एक ‘नाटक’ मात्रै रहेछ । उक्त नाटक उपनेश आफैंले रचेका रहेछन् । प्रहरीका अनुसार उपनेशले मंगलबार दिउँसै आफ्नै गाउँका निरन्जन र सनुप दासलाई रक्सौल बोलाएर आफू अपहरणमा परेको भनेर वीरगन्जमा हल्ला चलाउन लगाएका रहेछन् ।

    उपनेशले भने बमोजिम नै निरन्जन र सनुपले पनि उनी अपहरणमा परेको हल्ला चलाइदिए । तर, वास्तविकता पत्ता लागेपछि उपनेश र उनका साथी निरन्जनलाई प्रहरीले नियन्त्रणमा लिएको जनकपुर टुडेले जनाएको छ । जिल्ला प्रहरी कार्यालय पर्साका अनुसार अहिले दुवै जनामाथि थप अनुसन्धान भइरहेको छ ।

    प्रतिकृया दिनुहोस्

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...

    भक्तपुरमा टेलिभिजन रियालिटी शो ‘प्रतिभाको आँगन’को अडिसन शुरु

    भक्तपुरस्थित संस्थागत विद्यालयका विद्यार्थीलाई लक्षित गरी संचालित टेलिभिजन कार्यक्रम ‘प्रतिभाको आँगन’को  तेस्रो संस्करण आउने भएको...

    भक्तपुरमा कक्षा १० की छात्रा ऋजुको ‘रोवेना ग्रुब्ली एन्ड द टेल अफ क्वीन एस्ट्रेन’ सार्वजनिक

    भक्तपुरको चाँगुनारायण-२ स्थित गोल्डेन सुनगाभा स्कूलमा अध्ययनरत एक विद्यार्थीले लेखेको अंग्रेजी उपन्यास बजारमा आएको छ...

    मनकामना केबुलकार ५० दिन बन्द हुने

    नेपालको पहिलो केबुलकार मनकामना केबुलकार ५० दिन बन्द हुने भएको छ । केबुलकारको डिजिटल प्रणालीमा...

    नेसनस प्याब्सन भक्तपुरको वृहत शिक्षक प्रशिक्षण सम्पन्न

    नेसनस प्याब्सन भक्तपुरको वृहत शिक्षक प्रशिक्षण सम्पन्न भएको छ । नेसनल प्याब्सन भक्तपुरले आफ्ना सदस्य...