News Portal

  • राष्ट्रियताको विषयमा सरकारको नियतमाथि प्रश्न उठाउदै सांसद राजेन्द्र महतो आक्रोसित

    ५७२ पटक

    भक्तपुर, २० साउन । राष्ट्रिय जनता पार्टी नेपालको अध्यक्षमण्डलका नेता समेत रहेका सांसद राजेन्द्र महतोले सरकारप्रति आक्रोस पोखेका छन् । सरकारले सार्वजनिक गरेको नागरिकता खारेजीसम्बन्धी निर्णयप्रति उनले आक्रोस पोखेका हुन् ।

    प्रतिनिधिसभाको बैठकमा विशेष समयमा बोल्दै सांसद महतोले नागरिकता खारेजीसम्बन्धी समाचार व्यापकरुपमा प्रचारप्रसार भएको भन्दै त्यो कुन राजेन्द्र महतो हो भन्ने प्रतिप्रश्न गरेका छन् ।

    ‘सरकारले राष्ट्रियतासँग जोडिएको संवेदनशील विषयमा नेपाल सरकारका प्रवक्ताले नेपाल सरकारको निर्णय सार्वजनिक गर्दा राजेन्द्र महतो लगायत ८ जनाको नेपाली नागरिकता बदर गरिएको समाचार आउनु के हो त्यो ?’ महतोले आक्रोश पोख्दै भने, ‘नाम ठेगाना केही नहुने र व्यापकरुपमा प्रचार हुने । यो कुन नियतले हो ?’

    उनले सरकारको नियतमाथि कडा प्रश्न उठाउदै आफ्नो मानहानी गर्न सरकार उद्दत रहेको आरोप लगाए । सरकारले यस विषयमा सार्वजनिक माफी माग्नुपर्ने सांसद महतोको माग छ ।

    संसद्को विशेष समयमा बोल्ने क्रममा महतोले सभामुख कृष्णबहादुर महरा र नेकपा अध्यक्ष प्रचण्डलाई जोडेर गलत समाचार आयो भने के हुन्छ भन्ने आशयको उदाहरणलाई भने सांसदको नियमापत्तिपछि संसदको रेकर्डबाट हटाउन सभामुख महराले निर्देशन दिएका थिए ।

    नेपाल सरकारका प्रवक्ता तथा सञ्चारमन्त्री गोकुल बाँसकोटाले आइतबार राजेन्द्र महतोलगायत ८ जनाको नेपाली नागरिकता खारेज गरिएको निर्णय सार्वजनिक गरेका थिए ।

    प्रतिकृया दिनुहोस्

    सिडिओ छोडेर भक्तपुरको प्रमुख प्रशासकीय अधिकृतमा भट्टराई

    निजामती सेवाका उपसचिव बसन्त भट्टराई सिडिओ छोडेर स्थानीय सरकारको प्रमुख प्रशासकीय अधिकृतमा सरुवा भएका छन्...

    उपचाररत उपप्रधान एवं गृहमन्त्री श्रेष्ठलाई भेट्न नपाइने

    प्रधानमन्त्री पुष्प कमल दाहाल प्रचण्डले उपप्रधान एवं गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिएका छन्...

    प्रधानमन्त्री प्रचण्ड अस्पताल पुगेर लिए उपप्रधान एवं गृह मन्त्री श्रेष्ठको स्वास्थ्य बारे जानकारी

    प्रधानमन्त्री पुष्पकमल दाहाल प्रचण्डले उपप्रधान एवं गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिएका छन् ।बुधवार...

    भूकम्प पीडित पत्रकारलाई प्रेस सेन्टर ललितपुरको न्यानाे ज्याकेट

    प्रेस सेन्टर ललितपुरले भूकम्प पीडित पत्रकारहरुलाई न्यानाे ज्याकेट उपलब्ध गराउने भएको छ । भूकम्पबाट पालमुनि...

    उपभोक्ता हित संरक्षणमा चाँगुनारायण प्रतिवद्ध

    चाँगुनारायण नगरपालिकाका मेयर जीवन खत्रीले उपभोक्ताको हित संरक्षणका लागि नगरपालिका दृढ रहेको दावी गरेका छन्...