भक्तपुर, २२ साउन सूर्यविनायक नगरपालिका सेवाग्राहीप्रति उत्तरदायी नदेखिएको सेवाग्राहीहरुले गुनासो गरेका छन् । सेवा लिन कटुन्जेस्थित नगर कार्यपालिकाको कार्यालय पुग्दा नागरीक बडा पत्र नभएको भन्दै उनीहरुले यस्तो गुनासो गरेका हुन् ।
नागरीक बडा पत्र सार्वजनिक सूचनाको विवरण हो । कार्यालयले उपलब्ध गराउने सेवाहरु र त्यसको लागि लाग्ने समयदेखि आवश्यक कागजात र शुल्क त्यसैगरी सम्पर्क गर्नुपर्ने व्यक्तिहरु लगायतका सूचना सहितको बोर्ड सबै सेवाग्राहीले देख्नेगरी राख्नुपर्ने अनिवार्य व्यवस्था गरिएको छ । त्यतिमात्र होइन, सेवाको प्रकृति अनुसार छुट्टा छुट्टै बडा पत्र समेत व्यवस्था गर्नुपर्ने हुन्छ । अचेल यसमा अझ परिमार्जन भई कतिपय कार्यालयले श्रब्य र दृश्यमा समेत नागरीक बडा पत्र राखेका छन् ।
सुशासनको दृष्टिले यस्ता नागरीक बडा पत्र अनिवार्य गरिएको हो । यसमा सेवाग्राहीले सजिलै सेवा नपाए कहाँ, कसलाई र कसरी उजुरी गर्ने भन्ने मात्र होइन क्षतीपूर्ती पाउने व्यवस्थाबारे पनि जानकारी गराइएको हुन्छ । तर, स्थानीय सरकार भनिने सूर्यविनायक नगरपालिकाले आफ्नै कार्यालयमा भने नागरीक बडा पत्रको व्यवस्था गरेको छैन । नगरपालिकाले कटुन्जेस्थित आफ्नै कार्यालयमा नागरीक बडा पत्र नराखेपछि नगरपालिकाका वडा कार्यालयहरु र अन्य मातहतका कार्यालयहरुको सार्वजनिक सूचनाको अवस्थाप्रति सन्तोष गर्न नसकिने अवस्था देखिएको छ ।
सेवाग्राहीलाई सेवाप्रति सूसुचित गराउन तथा जिम्मेवार पदाधिकारीलाई आफ्नो जिम्मेवारी प्रति सजग गराउन नागरीक बडा पत्र एक नभई नहुने व्यवस्थापकीय औजार समेत भएको प्रसाशनविदहरु बताउछन । उनीहरुको बिचारमा नागरीक बडापत्रले सेवा प्रदायक र सेवाग्राहीहरुलाई एकापसमा बाधिदिएको हुन्छ । जहाँ यो हुदैन त्यहाँ आपसी लेनदेन र तजवीजी चल्ने खतरा रहन्छ ।
जिल्ला प्रसाशन कार्यालय भक्तपुरका प्रमुख जिल्ला अधिकारी नारायण प्रसाद भट्टले भक्तपुर पोस्ट संग कुरा गर्दै नागरीक बडा पत्र अनिवार्य हुनुपर्ने भनेका छन् । भट्टले नागरीक बडा पत्र नराख्ने कार्यालयहरुलाई कारवाही गर्ने बताए ।
सूर्यविनायक नगरपालिकाका प्रमुख कार्यकारी अधिकृत कमल ज्ञवाली भने बडा पत्रले सेवा दिने की कर्मचारीले भनेर आक्रोसित भए । कार्यलयमा बडा पत्र भएको जिकिर गरेका ज्ञवालीले भएको भए कहाँ राखिएको छ त बडापत्र भन्ने भक्तपुर पोस्टको प्रश्नमा बडा पत्रले सेवा दिने की कर्मचारीले भन्दै प्रतिप्रश्न गरेर फोन राखिदिए ।