News Portal

  • सिंहदरवारमै मृत अवस्थामा भेटिएका कर्मचारीको साथमा सुसाइड नोट

    काठमाडौं, ३ भदौ
    ८०२ पटक
    काठमाडौं, ३ भदौ

    देशको प्रमुख प्रशासनिक केन्द्र सिंहदरवार भित्र नै मृत अवस्थामा भेटिएका कर्मचारीको साथमा प्रहरीले सुसाइड नोट भेटिएको जनाएको छ । मंगलबार बिहान ११ बजे सिंहदरवारभित्र रहेको राष्ट्रिय योजना आयोगको कार्यालयमा एक कर्मचारी मृत अवस्थामा भेटिएका थिए ।

    यसरी मृत अवस्थामा भेटिने काठमाडौंको टौदह निवासी बच्चु केसी रहेको प्रहरीले पत्ता लगाएको छ । उनी योजना आयोगमै नायव सुब्बा तहका कर्मचारी थिए ।

    मृतक केसीले लेखेको सुसाइड नोटमा आफू कसैका कारण आत्महत्या नगरेको उल्लेख गरेको प्रहरी स्रोतले जनाएको छ । सुसाइड नोटमा आफ्नी श्रीमतीलाई चिन्ता नगर्नु भन्ने सन्देश पनि लेखिएको छ । साथै उनले आफ्नो आत्महत्यालाई ‘पत्रकार वा अन्यले अर्को अर्थ नलगाउन’ भन्ने पनि लेखेको प्रहरी स्रोतले जानकारी दिएको छ ।

    घटनास्थलमा पुगेको प्रहरी टोलीले उनको साथमा भेटिएको सुसाइड नोटसँगै अन्य सामानहरु पनि लिएर त्यसलाई परिक्षणका लागि प्रहरीको केन्द्रीय विधि विज्ञान प्रयोगशालामा पठाएको जनाएको छ ।

    केसी मृत भेटिएको ठाउँमा सेल्फोस ट्याब्लेटको खोल र केराको बोक्रा भेटिएको बताइएको छ । त्यो औषधी धान, गहुँको बालीमा प्रयोग गरिने एक किसिमको किटनाशक औषधि रहेको प्रहरीले जनाएको छ । सोही आधारमा उनले केरामा मिसाएर विष सेवन गरेको आशंका गरिएको छ । प्रहरीले उनको मृत्युबारे थप अनुसन्धान गरिरहेको जनाएको छ ।

    प्रतिकृया दिनुहोस्

    क्यानडामा विदेशी विद्यार्थीलाई घर जग्गा किन्न प्रतिबन्ध

    विदेशीलाई क्यानडामा २ वर्षसम्म जग्गा किन्न प्रतिबन्ध लगाइएको छ । समाचार अनुसार यसअघि जनवरी १,...

    आज पनि भिटामिन ‘ए’ खुवाइँदै

    के तपाईले आफ्नो ५ वर्ष मुनिका बच्चालाई ‘भिटामिन ए’ क्याप्सुल ख्वाउनुभयो ? ६ महिनादेखि ५...

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...