भक्तपुर, ४ भदौ तस्वीर : नेपाली सेनाको फेसबुकबाट
नेपाली सेनाले खुला प्रतिस्पर्धाबाट भर्ना गर्ने सर्वोच्च पद अधिकृत क्याडेट (सेकेन्ड लेफ्टिनेन्ट)को लागि दरखास्त आव्हान गरेको छ । २५० जना सेकेन्ड लेफ्टिनेन्ट आवश्यक रहेको भन्दै प्रतिस्पर्धामा सहभागी हुन सेनाले विज्ञापन खुलाएको हो ।
नेपाली सेनाको भर्ना छनौट निर्देशनालय कार्यरथी विभाग बिहीवार एक सूचना जारी गर्दै उक्त पदको लागि दरखास्त आह्वान गरेको छ ।
२५० जनाको माग गरेको विभागले १ सय ३१ जना खुला प्रतिष्पर्धाबाट, ३६ आदिवासी जनजाती, ३१ मधेशी,२२ जना महिला, १७ दलित, ६ पिछडिएको क्षेत्र र ७ सैनिक परिवारका छोराछोरीका लागि कोटा छुट्याइएको छ।
त्यस्तै २२ जना महिला, ३६ आदिवासी जनजारी, ३१ मधेशी, १७ दलित र ६ पिछडिएको क्षेत्र गरी २५० जनाको माग गरेको हो।
दरखास्त दिने मिति भदौ ४ गतेदेखि असोज २ गते सम्म रहेको निर्देशनालयले जनाएको छ । दोब्बर दस्तुर तिरेर असोज ९ गतेसम्म दिन सकिने छ । विस्तृत जानकारीको लागि भदौ ४ गते प्रकाशित गोरखापत्रको पेज नम्बर ११ हेर्नुहोला ।
हेर्नुस सूचना
