News Portal

  • आफ्नै श्रीमानको हत्या गराउन पेशेवर अपराधीलाई सुपारी

    बर्दीवास, ७ भदौ
    ७५७ पटक
    बर्दीवास, ७ भदौ

    बलिउड सिनेमाकै शैलीमा मान्छे मार्न सुपारी दिने कुराले पछिल्लो समयमा समाजलाई नराम्ररी सताएको छ । भक्तपुरमा एक छोरीले आफ्नै आमालाई यसरी नै हत्या गराएको कुरा सेलाउन नपाउदै महोत्तरीमा यस्तै एक घटना बाहिर आएको छ ।

    महोत्तरीकी एक महिलाले आफ्नै श्रीमानको हत्या गराउन पेशेवर अपराधी लाई सुपारी दिएको अनुसन्धान बाट खुलेको हो । उनले साढे ४ लाख रुपैयाँ दिएर लोग्नेको हत्या गराएको खुलेको प्रहरीको दावी छ ।

    महोत्तरीको बर्दिबास नगरपालिका ३ गौरीडाँडाका ३६ बर्षीय सरोज भनिने श्रवण थापाको हत्याका लागि श्रीमती पूजाले पेशेवर अपराधीको प्रयोग गरेको खुलेको प्रहरीले जनाएको हो ।

    हत्या गरेको अवस्थामा गत असार ३१ गते श्रवणको शव भेटिएको थियो । बीपी राजमार्ग अन्तर्गत बर्दिबास नगरपालिका–३ मा शव फेला परेको थियो ।

    श्रवणको हत्या अनुसन्धानमा जुटेको प्रहरीले उनको हत्यामा आफ्नै पत्नीको हात भएको पत्ता लगाएको हो । शुक्रवार पत्रकार सम्मेलन गर्दै प्रहरीले उक्त कुरा सार्वजनिक गरेको हो ।

    पत्रकार सम्मेलनमा महोत्तरीका प्रहरी प्रमुख रहेका एसपी श्यामकृष्ण अधिकारीले श्रवणको श्रीमती पूजाले नै श्रवणको हत्या गराएको खुलेको जानकारी दिए ।

    श्रवणको हत्यामा संलग्न भएको अभियोगमा प्रहरीले ४ जनालाई पक्राउ गरी शुक्रबार सार्वजनिक गरेको छ । सर्लाहीको धनकौल गाउँपालिका ३ हरकटवाका २७ बर्षीय प्रमोद सिंह, वडा नम्बर २ का २७ बर्षीय मुकेश साह, रौतहटको गढीमाई नगरपालिका ६ बखरी टोलका ३३ बर्षीय श्रीनारायण महरा र ४६ बर्षीय टिआई सहनीलाई शुक्रबार सार्वजनिक गरिएको छ । मूख्य अभियुक्त पूजा भने फरार छिन । उनको खोजी भैरहेको प्रहरीको भनाइ छ ।

    प्रतिकृया दिनुहोस्

    इवामुरा अस्पतालको लापरवाहीले गयो ज्यान, घटना गुपचुप

    भक्तपुर-१ स्थित डा इवामुरा स्मृती अस्पतालको लापरवाहीले फेरिपनि एकजनाको ज्यान गएको तथ्य बाहिर आएको छ...

    भक्तपुर आएर पूर्व अर्थमन्त्री पुनले भने, ‘नेताहरु शिशाको घरमा छन्’

    पूर्व अर्थमन्त्री एवं नेकपा(माओवादी केन्द्र)का उपमहासचिव वर्षमान पुन अनन्तले राजनीतिक दलका नेताहरु शिशाको घरमा रहेका...

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...