भक्तपुर, २९ भदौ संस्कृति, पर्यटन तथा नागरिक उड्डयनमन्त्री योगेश भट्टराईको सचिवालयले मन्त्री भट्टराई माथि दुर्व्यवहार भएको भनेको छ । सचिवालयले एक प्रेस बक्तब्य जारी गर्दै मन्त्री भट्टराई माथि दुर्व्यवहार भएको भनेको हो ।
शनिवार नेपालगञ्जमा जहाजभित्र मन्त्री माथि दुर्व्यवहार हुनु दुखद भनेको छ । सचिवालयले त्यो जनताको खवरदारी नभई मण्डले प्रवित्तिको धम्की भएको ठहर गर्दै त्यसबाट बिचलित नबन्ने समेत चेतावनी दिएको छ ।
मन्त्री भट्टराईलाई पर्खिंदा विमान होल्ड भएपछि विमानमा रहेका ज्ञानेन्द्र शाहीसहितका यात्रुहरुले विरोध जनाउनुका साथै गाली गलौज गरेका थिए । शाहीले आइतवार काठमाडौको कुपन्डोलमा सोही विषयबारे बोल्न आयोजना गरेको पत्रकार सम्मेलनमा उनी निसानामा परेपछि प्रहरीले उद्धार गर्नु परेको थियो ।
मन्त्री भट्टराईले पनि आफ्ना कारण करिव १५ मिनेट उडान ढिलो भएको स्वीकार गर्दै यात्रुलाई परेको असुविधाप्रति माफी मागेका थिए ।
यो बिषयले सामाजिक संजाल तातेपछि मन्त्रीको सचिवालयले आइतवार प्रेस बक्तब्य मार्फत आधिकारिक भनाइ सार्वजनिक गरेको हो ।
सचिवालयद्वारा जारी गरिएको विज्ञप्तिमा भनिएको छ ‘जनताप्रति उत्तरदायी बनाउने उद्देश्यका साथ गरिएका खबरदारीको हामी सदैब सम्मान गर्दछौं । तर, नियोजित घटनाको हामी भत्र्सना गर्दछौं । ”
विज्ञप्तिमा जस्तोसुकै प्रतिकुलतामा पनि देश र जनताको पक्षमा सतिसाल जस्तै ठिंग उभिईरहने प्रण गर्दै समृद्ध नेपाल र सुखी नेपालीको उदेश्य प्राप्तिका लागि लागिरहने प्रतिवद्धता प्रकट गरिएको छ ।
हेर्नुस विज्ञप्ति
