News Portal

  • परिवर्तन विरोधीको प्रतिकार गर्न अध्यक्ष प्रचण्डको अपिल

    काठमाडौँ, ३० भदौ
    १०७१ पटक
    काठमाडौँ, ३० भदौ

    नेपाल कम्युनिष्ट पार्टी नेकपाका अध्यक्ष पुष्पकमल दाहाल ‘प्रचण्ड’ले परिवर्तन विरोधीहरु बिरुद्ध प्रतिकारमा उत्रन आम युवा विद्यार्थी तथा पार्टी पंक्तिलाई आह्वान गरेका छन ।

    पार्टीका दिवङ्गत नेता पोष्टबहादुर बोगटीको पाँचौँ स्मृति दिवसका अवसरमा सोमवार केन्द्रीय कार्यालय धुम्बाराहीमा आयोजित कार्यक्रममा बोल्दै उनले परिवर्तन विरोधी विरुद्ध प्रतिकारमा उत्रन निर्देशन दिएका हुन् ।

    अध्यक्ष प्रचण्डले सात दशक लामो सङ्घर्षबाट प्राप्त भएको लोकतान्त्रिक गणतन्त्रलाई कलिलोमा नै मार्न सकिन्छ कि भनेर कसैले पनि भ्रम नपाले हुने चेतावनी दिंदै त्यस्ता प्रतिक्रियाबादी शक्ति विरुद्ध प्रतिकारमा उत्रनुको बिकल्प नभएको बताएका हुन् ।

    लोकतान्त्रिक गणतन्त्रविरुद्ध हुने अराजक र प्रतिक्रियावादी प्रवृत्तिप्रति सजग रहँदै त्यसको प्रतिकार गर्न उनले आह्वान गरे । “हत्केलाले सूर्य छेक्न सम्भव छैन । त्यो दुस्साहस गर्नेहरुलाई सबक सिकाउनु आवस्यक छ ।” उनले भने ।

    ”चारैतिरबाट पूँजीवादी र साम्राज्यवादीले घेरेका छन् । व्यक्तिवादी र आत्मकेन्द्रित प्रवृत्ति पनि हामीमा छ । तर सात दशक लामो सङ्घर्षबाट प्राप्त भएको लोकतान्त्रिक गणतन्त्रलाई कलिलोमा नै मार्न सकिन्छ कि भनेर कसैले भ्रम नपाले हुन्छ ।” कार्यक्रममा उनले भने ।

    उनले अराजकता मच्चाउनेहरुमा छटपटी देखिए पनि परिवर्तनलाई रक्षा गर्दै समाजवाद उन्मुख यात्रामा अघि बढ्ने बताए । समृद्धि र विकासको प्रक्रियाबाट समाजवादको आधार तय गर्ने प्रक्रियामा रहेकोले निराश हुन नहुने अध्यक्ष प्रचण्डको भनाइ छ ।

    उक्त अवसरमा अध्यक्ष प्रचण्ड, पार्टीका वरिष्ठ नेता झलनाथ खनाल,प्रवक्ता नारायणकाजी श्रेष्ठ, महासचिव विष्णु पौडेल, नेता अमीक शेरचनलगायतले दिवंगत नेता पोस्ट बहादुर बोगतीप्रती श्रद्धान्जली व्यक्त गर्दै उनको बिबिध आयाम बारे स्मरण गरेका थिए ।

    तत्कालीन नेकपा माओवादी केन्द्रका महासचिव रहेका बोगटी पूर्वमन्त्री एवं नुवाकोटका पूर्व सांसद् थिए । उनको २०७१ साल भदौ ३० गते ह्दयघातका कारण असमायिक निधन भएको थियो ।

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...