News Portal

  • एमबिबिएसको स्थगित प्रवेश परीक्षा हुने नयाँ मिति तय : सूचना सहित

    भक्तपुर, ३० भदौ
    ७७१ पटक
    भक्तपुर, ३० भदौ

    स्थगित गरिएको चिकित्सा शिक्षा अन्तर्गतको स्नातक तहको प्रवेश परीक्षा हुने मिति तय भएको छ । चिकित्सा शास्त्र अध्ययन संस्थानले एक निर्णय गर्दै प्रवेश परीक्षाको मिति तय गरेको हो ।

    संस्थानको सोमवार बसेको स्नातक तह प्रवेश परीक्षा सञ्चालक समितिको बैठकले प्रवेश परीक्षाको मिति तय गरेको जानकारी प्राप्त भएको छ । चिकित्सा शिक्षा अन्तर्गतका एमबिबिएस, बिडिएस लगायतको रोकिएको प्रवेश परीक्षाको नयाँ मिति तय भएको हो ।

    प्राप्त सूचना अनुसार स्नातक तहको विभिन्न कार्यक्रमको प्रवेश परीक्षा विभिन्न मितिमा आगामी असोज ३, ५, ६ र ७ गते हुने बताइएको छ ।

    यसअघि ती परीक्षा यही भदौ २१, २२ , २३ र २४ गतेलाई तय गरिएका थिए । छात्रवृत्ति सम्बन्धी मुद्दामा सर्वोच्च अदालतले भदौ २० गते अन्तरिम आदेश जारी गर्दै प्रवेश परीक्षा रोकेपछि उक्त परीक्षा स्थगित हुँदै आएको थियो ।

    आइतबार न्यायाधीशद्वय ईश्वरप्रसाद खतिवडा र मनोजकुमार शर्माको संयुक्त इजलासले तत्काल प्रवेश परीक्षा र्नै रोक्नुपर्ने अवस्था नरहेको आदेश दिएपछि प्रवेश परीक्षा लिन बाटो खुलेको हो ।

    एमबिबिएसमा मात्र २२ कलेज गरी करिब १८ हजार परीक्षार्थी प्रवेश परीक्षामा सामेल हुने छन् ।

    हेर्नुस सूचना

    प्रतिकृया दिनुहोस्

    भक्तपुर–नगरकोट सडकखण्डको ठेक्का सम्झौता रद्द

    सरकारले भक्तपुर–नगरकोट सडकखण्डको ठेक्का सम्झौता रद्द गरेको छ । दुई वर्षमा सम्पन्न गर्ने गरी ठेक्का...

    पुरा भयो एसईई परीक्षाको तयारी

    २०७९ मा हुने एसईई परीक्षाको तयारी पुरा भएको छ । शुक्रबारदेखि सुरु हुने माध्यमिक शिक्षा...

    आज साँझसम्म मन्त्रिपरिषद् विस्तार हुने

    मन्त्रिपरिषद् विस्तारलगायत विषयमा सत्ता साझेदार दलहरुबीच आज बिहान छलफल भएको छ । प्रधानमन्त्री निवास बालुवाटारमा...

    सूर्यविनायक साँगा सडक खण्डको निर्माण कार्य शुरु

    सूर्यविनायक धुलिखेल सडक आयोजना अन्तर्गत सूर्यविनायक साँगा सडक खण्डको सडक निर्माण कार्य शुरु भएको छ...

    वैशाख ६ र ७ गते भिटामिन ‘ए’ खुवाइदै

    आगामी वर्ष वैशाख पहिलो साता राष्ट्रिय भिटामिन ‘ए’ अभियान कार्यक्रम सञ्चालन गर्ने भएको छ ।...