भक्तपुर, २९ असोज नेपाल प्रहरीमा ३ हजार ५ सय ९६ नयाँ दरबन्दी थपिएको छ । विभिन्न पदमा गरी यो नयाँ दरबन्दी थपिएको हो ।
नेपाल प्रहरीले पठाएको नयाँ दरबन्दीसम्बन्धी प्रस्ताव गृह मन्त्रालयले स्वीकृत गरेसंगै प्रहरीमा नयाँ दरबन्दी थपिएको हो । जवान देखि वरिष्ठ प्रहरी अधिकारीसम्म नयाँ दरबन्दी थपिए पछि प्रहरीसंख्या अपुग नहुने भएको छ ।
नयाँ दरबन्दी अनुसार नेपाल प्रहरीमा एक प्राविधिकसहित ३ जना एसएसपी, ४ जना एसपी, २१ डिएसपी र ४७ जना इन्स्पेक्टर थपिने भएका छन् ।
त्यसैगरी, सई ८६, असई २ सय ९७, प्रहरी हवल्दार ६८३, प्रहरी जवान २ हजार २ सय १६ र कार्यालय सहायक २ सय ३९ थपिने भएका छन् ।
नयाँ दरबन्दी स्वीकृत भएपनि त्यसको पदपूर्ती प्रक्रिया शुरु हुन भने केहि महिना लाग्ने बताइएको छ । प्रहरीको इन्स्पेक्टर भन्दा माथि आन्तरीक र बढुवाबाट पदपूर्दी हुने भए पनि इन्स्पेक्टरसम्म आन्तरीक तथा खुला प्रतिस्पर्धाबाट छनौट गर्ने प्रावधान छ । प्रहरीमा जागिर खान इच्छुक युवाहरुलाई यो ठूलो संख्याले आकर्षित गर्ने अनुमान गर्न सकिन्छ । तपाई पनि प्रहरीमा भर्ना हुन चाहनुहुन्छ भने यो माैकालाइ खेर जान नदिन अहिलेबाटै परीक्षाकाे तयारी गर्न सक्नुहुन्छ ।