काठमाडौँ, ७ कात्तिकभारत सरकारले पशुपतिनाथको दर्शन गर्न आउने तिर्थालुको निम्ति अनुदानमा बनाइदिएको धर्मशाला निजी कम्पनीको होटलमा परिणत गराइएको छ ।
२४ करोड अनुदानमा भारत सरकारले बनाइदिएको धर्मशाला बतास समुहको होटेल आनन्दलाई लिजमा दिइएको हो । पशुपति क्षेत्रभित्र रहेको सो धर्मशाला तीनतारे होटेलमा परिणत गरिएपछि निम्न बर्गीय तिर्थालु मारमा पर्ने भएका छन् ।
निम्न बर्गीय तिर्थालुको बासको लागि भारत सरकारले अनुदानमा बनाइदिएको धर्मशाला व्यापारिक प्रयोजनको तीनतारे होटलमा बदलिएपछि महंगो पैसा तिर्न सक्नेले मात्र बस्न पाउने भएका छन् । १९ रोपनी क्षेत्रफलमा फैलिएको धर्मशालाको ३ सय ८८ कोठालाई भत्काएर जम्मा ८० वटा मात्र कोठा रहेकाे बिलासी होटल बनाइएको छ ।
बिमस्टेक सम्मेलनका बेला नेपाल आउँदा भारतीय प्रधानमन्त्री नरेन्द्र मोदीले नेपालका प्रधानमन्त्री केपी शर्मा ओलीलाई उक्त धर्मशाला हस्तान्तरण गरेका थिए। त्यसको एक वर्षमै पशुपति क्षेत्र विकास कोषले धर्मशाला १५ वर्षका लागि बतास समुहको होटेल आनन्दलाई दिएको हो ।