भक्तपुर, ७ कात्तिक
भक्तपुर, ७ कात्तिक प्रतिनिधि सभा सदस्यको लागि कास्की- २ मा हुने उपनिर्वाचनका लागि सत्तारुढ नेकपाको कास्की जिल्ला समितिले उम्मेदवार सिफारिस गरेको छ । शुक्रबार बसेको जिल्ला समिति बैठकले विद्या भट्टराईलाई उम्मेदवार सिफारिस गरेको हो ।
सिफारिस भएकी भट्टराई गत फागुन १५ गते हेलिकप्टर दुर्घटनामा परि निधन भएका पर्यटन मन्त्री रविन्द्र अधिकारीकी पत्नी हुन् । पर्यटनमन्त्री अधिकारीको हेलिकप्टर दुर्घटनामा निधन भएपछि रिक्त कास्की २ मा मंसिर १४ मा प्रतिनिधि सभा सदस्यको लागि उपनिर्वाचन हुँदैछ ।
रविन्द्रपत्नी भट्टराईलाई उम्मेदवार बनाउने प्रस्तावमा सर्वसम्मत निर्णय भएपछी उनीमात्र उम्मेदवार सिफारिस भएकी नेकपा कास्कीले जनाएको छ ।