भक्तपुर, १५ कात्तिकसंसद सचिवालकी एक कर्मचारीलाई जवर्जस्ती करणी प्रयास गरेको आरोपमा पक्राउ परेका निवर्तमान सभामुख कृष्णबहादुर महराको मुद्दामाथि शुक्रवार थुनछेक बहस हुँदैछ ।
जिल्ला अदालत काठमाडौँमा बिहीवार मुद्दा दर्ता भएसंगै शुक्रवार थुनछेक बहस हुने भएको हो ।
असोज १९ गते पक्राउ परेका महरामाथि अनुसन्धान गरेको प्रहरीले यसअघि अनुसन्धानका लागि म्याद थप गराउँदै आएकाेमा बिहीबार अनुसन्धानको पूरा प्रतिवेदन सरकारी वकिलको कार्यालयमा बुझाएको थियाे । प्रहरीको प्रतिवेदन पाएपछि सरकारी वकिलको कार्यालयले बिहीबार नै महराविरुद्ध जवर्जस्ती करणी प्रयासमा कडा सजायको माग गर्दैअदालतसमक्ष मुद्दा दर्ता गराएपछि शुक्रवार थुनछेक बहस हुन लागेको हो ।
शुक्रवार बबरमहलस्थित जिल्ला अदालत काठमाडाैंमा उपस्थित गराई महराको बयान लिएपछि न्यायाधिसले बादी र प्रतिवादीका तर्फबाट कानुन व्यवसायीले गर्ने बहस सुन्ने छन् ।
बयान र बहसपछि महराको विषयमा अदालतले गर्ने फैसला सबैको लागि उत्सुकताको बिषय बनेको छ । कानुनविद्हरुका अनुसार महरा पुर्पक्षका लागि थुनामा जान सक्ने, धरौटीमा रिहा हुन सक्ने र साधारण तारेखमा छुट्न सक्ने तीनै बटा बिकल्प खुला रहेको छ । न्यायाधिसले तथ्य, प्रमाण र कानुनका आधारमा तीन मध्ये एक फैसला गर्नेछन् । मुद्दाको अन्तिम फैसला हुन भने समय लाग्नेछ ।