भक्तपुर, २१ कात्तिकमङ्सिर १४ गतेका लागि निर्धारित उपनिर्वाचनका लागि भक्तपुरमा नेपाल मजदुर किसान पार्टीका तर्फबाट निरज लवजूले उम्मेदवारी दर्ता गराएका छन् ।
केन्द्रीय नेता एवं संघीय सांसद प्रेम सुवालको नेतृत्वमा केन्द्रीय सदस्य एवं भक्तपुरका मेयर सुनिल प्रजापति, प्रदेश सांसद सुरेन्द्रराज गोसाइँ सहितको टोली बाजागाजासहित उम्मेद्वारी दर्ता गराउन निर्वाचन अधिकृतको कार्यालय पुगेको थियो ।
उम्मेद्वारी दर्ता पछि आयोजित सभालाई सम्बोधन गर्दै नेमकिपाका केन्द्रीय नेता एवं संघीय सांसद प्रेम सुवालले नेमकिपा उम्मेदवार मात्र जनताको असल प्रतिनिधि भएको जिकिर गरेका थिए । उनले निर्वाचनमा सहि उम्मेदवार छान्न सकेमात्र देश र जनताको भलो हुने बिचार व्यक्त गरे ।
कार्यक्रममा प्रदेश सांसद सुरेन्द्रराज गोसाईले प्रदेस सभामा नेमकिपाले निभाएको भूमिकाबारे प्रकाश पारेका थिए । उक्त अवसरमा उम्मेदवार निरज लावजूले आफू यसपटक निर्वाचित हुने बिस्वास व्यक्त गरे ।
