काठमाडौं, २३ कात्तिकशनिवार सर्वदलीय बैठक बोलाएका प्रधानमन्त्री केपी शर्मा ओलीले लिपुलेक र लिम्पियाधुराको विषयमा राष्ट्रिय सहमति जुटेको बताएका छन् । नेपालको हो भन्ने विषयमा एकमत रहेको भन्दै उनले यो अभूतपूर्व राष्ट्रिय एकता भएको बताएका हुन् ।
सर्वदली बैठक सकिएपछि प्रधानमन्त्री ओलीले सामाजिक संजालमा ट्विट गर्दै उक्त खुलासा गरे ।
“लिपुलेक र लिम्पियाधुरासहित कालापानी क्षेत्र नेपालको भूभाग हो भन्ने विषयमा अभूतपूर्व राष्ट्रिय एकता कायम भएको छ। सरकारले यही राष्ट्रिय भावनालाई शीरोधार्य गर्दै दृढता र स्पष्टताका साथ कुटनीतिक रुपमा सीमा समस्याको समाधान गर्नेछ।” प्रधानमन्त्रीले ओलीले ट्विट गर्दै भने ।
भारतले आफ्नो नयाँ नक्सामा नेपाली भूभाग समावेश गरेपछि देशभर त्यसको विरोध भैरहेको छ । लिपुलेक र लिम्पियाधुरा नेपालको भन्दै भारतको हेपाहा प्रवित्तिलाई जनस्तर बाटै खारेज गरिएको छ ।
सत्तारुढ र प्रतिपक्षी दलका भात्री संगठन भारतको बिरोधमा एकासाथ सडकमा उत्रिएका छन । प्रधानमन्त्री ओलीले यसमा राष्ट्रिय अवधारणा बनाउन पहलकदमी लिंदै शनिवार साँझ सबै राजनीतिक दलका प्रमुखहरु, पूर्वप्रधानमन्त्रीहरु, पूर्वपरराष्ट्रमन्त्रीहरु लगायतलाई बालुवाटार डाकेर यस बिषयमा परामर्स लिएका थिए ।
बैठकपछि प्रम ओली ओली उत्साहित देखिएका छन । उनले आफ्ना समकक्षी भारतीय प्रधानमन्त्री नरेन्द्र मोदीसंग यस विषयमा कुटनीतिक वार्ता गर्ने बताइएको छ । तथ्य र प्रमाणका आधारमा नेपाल– भारत सीमा समस्या समाधानका लागि कूटनीतिक पहल गर्न पूर्वप्रधानमन्त्री र पूर्वपरराष्ट्रमन्त्री लगायतले सरकारलाई सुझाव दिएका जानकारी प्राप्त भएको छ ।