भक्तपुर, १० मङ्सिरमंगलबार बिहानै अस्पताल पुगेका प्रधानमन्त्री केपी शर्मा ओलीको एपेडिक्सको सल्यक्रिया गरिएको छ । उनको स्वास्थ्य अवस्था सकुसल रहेको बताइएको छ ।
सोमबार रातिदेखि पेट दुख्ने समस्याले सताएपछि प्रधानमन्त्री ओली मंगलबार बिहान मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा पुगेका थिए ।
चिकित्सकहरुले स्वास्थ्य परीक्षण गर्दा एपेन्डिक्स सुन्निएर एपेन्डिसाइटिस भएको पत्ता लागे लगत्तै सल्यक्रिया गरिएको हो ।
उपचारपछि उनलाई अहिले सघन उपचार कक्षमा सम्पूर्ण व्यवस्थासहित निरन्तर निगरानीमा राखिएको छ र उनको स्वास्थ्य अवस्था स्थिर रहेको बताइएको छ ।
यसैबीच नेकपाका अध्यक्ष प्रचण्ड प्रधानमन्त्री एवम् पार्टी अध्यक्ष क.केपी शर्मा ओलीको स्वस्थ्य अवस्थाका बारे बुझ्न अस्पताल पुगेका छन् । महाराजगञ्जको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा गएर उनले स्वास्थ अवस्थाबारे जानकारी लिए।
डाक्टरहरूले प्रधानमन्त्रीको एपेन्डिसाइटिसको अपरेसन सफल भएकाे र स्वास्थ्यमा राम्रो सुधार हुने बताएका अध्यक्ष प्रचण्डका प्रेस सल्लाहकार बिष्णु सापकोटा जुगलले जानकारी गराए ।