मंसिर १४ गते हुन गइरहेको उपनिर्वाचनका लागि गए रातिदेखि मौन अवधि सुरु भएको छ ।

निर्वाचन आयोगका आनुसार गए राति १२ बजेदेखि कास्की–२ को प्रतिनिधिसभा, भक्तपुर, बाग्लुङ्ग र दाङ्गका तीन वटा प्रदेशसभा र स्थानीय तहका गरी ५२ पदका लागि मंसिर १४ गते शनिबार हुने उपनिर्वाचनको मौन अवधि सुरु भएको छ ।

मौन अवधिको सुरुवातपछि देखि निर्वाचन नसकेसम्म कुनै पनि राजनीतिक दल, दलका उम्मेदवार, पदाधिकारी, स्वतन्त्र उम्मेदवार, नागरिक समाज, मतदाता तथा सञ्चार क्षेत्रले कुनै प्रकारका चुनावी प्रचारप्रसार गर्न नपाउने आयोगले जनाएको छ ।

उपननिर्वाचनमा १ सय १ दलले भाग लिँदै छन् भने प्रतिनिधि सभा सदस्य तथा प्रदेश सभा सदस्यमा ९५ दल र स्थानीय तहमा ७८ दलले भाग लिएका छन् । भक्तपुरको प्रदेश सभामा ९ दलका ९ उम्मेदवार र १० स्वतन्त्र उम्मेदवारसमेत चुनावी मैदानमा छन ।