अपराधी समाउने जिम्मा पाएको प्रहरीका एक अधिकारी आफै पक्राउ परेका छन् । जिल्ला प्रहरी कार्यालय सर्लाहीमा कार्यरत एक प्रहरी निरीक्षकलाइ अख्तियारले पक्राउ गरेको हो ।

पक्राउ पर्नेमा प्रहरी निरीक्षक रामकिशोर साह रहेका छन् । घुस लिँदै गर्दा उनी रंगेहात पक्राउ परेका हुन् ।

अख्तियार दुरुपयोग अनुसन्धान आयोगको विशेष टोलीले साहलाई ९० हजार घुससहित जनकपुरबाट समातेको हो ।

ठगी मुद्दा मिलाइदिन्छु भनी घुस माग गरेपछि साहलाई घुस लिंदालिदै समातेको अख्तियारको भनाइ छ । बिहीबार साहलाई जनकपुर महानगरपालिका–८ स्थित सीता प्यालेस होटलबाट पक्राउ गरि आवश्यक अनुसन्धान भैरहेको बताइएको छ ।