भक्तपुर, १८ मङ्सिरप्रधानमन्त्री केपी शर्मा ओली अस्पतालबाट स्वनिवास बालुवाटार प्रस्थान गर्ने भएका छन् । ९ दिनको लामो अस्पतालको बसाइपछी प्रम ओली स्वनिवास फर्कने तयारीमा लागेका हुन् ।
सल्याक्रियापछी आराम गर्न अस्पतालमा रहेका प्रम ओलीलाई डिस्चार्ज गर्ने भएको छ । बालुवाटारमा नै आराम गर्ने मनसाय बनेपछी अस्पतालले दिस्चार्ज गर्ने प्रक्रिया सुरु गरेको हो ।
प्रम ओलीले कम्तिमा पनि एक साता स्वनिवास्मा आराम गर्ने चिकित्सकले बताए । अस्पतालबाट प्राप्त जानकारी अनुसार प्रम ओलीको स्वास्थ्य अवस्थाबारे बुझ्न चिकित्सकीय अवलोकन राखिएको छ ।
अस्पतालले डिस्चार्ज गर्न तयार थिएन तर प्रधानमन्त्रीले अस्पतालमा लामो समय बस्दा गलत संदेश जान्छ भनेर ढिप्पी गरेपछी डिस्चार्ज गर्न लागेको हो । उनको उपचारमा संग्लन एक चिकित्सकले बालुवाटारमै चिकित्सकको निगरानीमा राखेर डिस्चार्ज गर्ने भनिएता पनि फाईनल नभएको बताए ।
अस्पतालका कार्यकारी निर्देशक प्रा.डा. उत्तमकृष्ण श्रेष्ठले बुधबार जारी गरेको विज्ञप्तिमा प्रम ओलीको स्वास्थ्यमा उल्लेखनीय सुधार भएको र हाललाई चिकित्सकीय अवलोकनमा राखिएको जानकारी दिएका छन् ।