News Portal

  • ओलीले नेपाली राजनीतिमा अर्को चमत्कार गर्ने गोप्य तयारी

    भक्तपुर, २० मङ्सिर
    ९९३ पटक
    भक्तपुर, २० मङ्सिर

    प्रधानमन्त्री केपी शर्मा ओली नेपाली राजनीतिमा एकपछि अर्को चक्मा दिने नेता हुन् । विपक्ष दल र आफ्नै पार्टीभित्र कयौ पटक चक्मा दिएका छन् । जसका कारण विपक्ष दल र पार्टीभित्रका प्रतिस्पर्धीहरु कमजोर बन्ने गरेका छन् ।

    पछिल्लो समय सिंगापुरदेखि त्रिवि शिक्षण अस्पतालसम्मको सफर गरेका प्रधानमन्त्री ओलीले नेपाली राजनीतिमा अर्को चमत्कार गर्न तयारीमा छन् । अहिले स्वास्थ्य अवस्था केही कमजोर भएका कारण आफ्नो कदम अगाडी बढाउन सकेका छैनन् । तर केही दिनभित्रै संविधान संशोधन गरेर राष्ट्रपतिलाई शक्तिशाली बनाउने तयारी थालेका छन् ।

    संविधान संशोधन गरी शक्तिशाली राष्ट्रपति बनाउन प्रधानमन्त्री ओलीले आफुु निकटका नेताहरुसँग केही महिनादेखि छलफल गरिरहेका छन् । सिंगापुर अस्पतालमा रहेका बेला ओलीले राष्ट्रपतिलाई शक्तिशाली बनाउने योजना बनाएको स्रोतले बताएको छ ।

    संविधान संशोधन गरी शक्तिशाली राष्ट्रपति बनाउने बिषयमा ओलीले आफु निकटका नेता बामदेव गौतम र महासचिव बिष्णु पौडेलसँग सिंगापुरमै छलफल गरेका थिए । प्रधानमन्त्री सिंगापुर अस्पतालमा भएका बेला गौतम र पौडेल आकस्मिक सिंगापुर पुगेका थिए । आकस्मिक सिंगापुर पुगेका गौतम र पौडेलसँग शक्तिशाली राष्टपति बनाउने आफ्नो योजना सुनाएको स्रोतले बताएको छ । गौतम र पौडेललाई राजनीतिक सल्लाहकार बिष्णु रिमालले आकस्मिक सिंगापुर बोलाए थिए ।

    प्रधानमन्त्री पछिल्लो समय स्वास्थ्य अबस्थाले कमजोर बनेका छन् । तर राजनीतिकरुपमा भने उनी अझै बलियो बन्दै गएका छन् । राष्ट्रपतिलाई शक्तिशाली बनाउने बिषयमा उनले पार्टीभित्र छलफल भने चलाएका छैनन् । अर्का अध्यक्ष पुष्पकमल दाहाल प्रचण्ड पनि कार्यकारी राष्ट्रपतिकै पक्षमा छन् । पूर्वमाओवादीको अध्यक्ष हुँदा प्रचण्डले कार्यकारी राष्ट्रपतिका लागि निकै ठुलो संघर्ष गरेका थिए । तर कांग्रेसले कार्यकारी राष्ट्रपति स्वीकार नगरेका कारण उनी पछि हटेका थिए ।

    ओलीले ल्याउने कार्यकारी राष्ट्रपतिको प्रस्तावमा प्रचण्ड सहमत हुने निश्चित छ । तर वरिष्ठ नेता माधव नेपाल र झलनाथ खनाल यो प्रस्तावमा तत्कालै सहमत हुन नसक्ने आँकलन गरिएको छ । अर्को सत्ता साझेदार दल समाजबादी पनि कार्यकारी राष्ट्रपतिकै पक्षमा छ । वर्तमान उपप्रधान तथा कानुनमन्त्री उपेन्द्र यादव र अर्का नेता बाबुराम भट्टराई पनि कार्यकारी राष्ट्रपतिकै पक्षमा छन् । कार्यकारी राष्ट्रपतिका पक्षमा संसदमा दुई तिहाई पुग्ने निश्चित छ ।

    कार्यकारी राष्ट्रपतिको वकालत गर्दै आएका उपेन्द्र यादव संघिय मामिला, कानुन तथा न्यायमन्त्री छन् । उनलाई प्रस्ताव लिन सजिलो छ । तर संसदमा प्रतिपक्ष दल कांग्रेसको सामना गर्न असजिलो छ । प्रतिपक्ष दल कांग्रेसको सामना गर्न नेकपा संसदीय दलका नेता सुवास नेम्वाडलाई फेरी सभामुख बनाउने तयारी दुई अध्यक्षले गरी सकेका छन् ।

    कार्यकारी राष्ट्रपतिको संबैधानिक ब्यवस्था गर्न र संसदबाट पारित गराउन नेम्वाडले मात्र सक्ने दुई अध्यक्षले निस्कर्ष निकालेका छन् । कार्यकारी राष्ट्रपति बनाउनकै लागि प्रदेश प्रमुख पनि फेरिएको आँकलन सत्तारुढ दलभित्र गर्न थालिएको छ । वर्तमान राष्ट्रपति बिद्यादेवी भण्डारी पनि कार्यकारीकै पक्षमा छन् । पछिल्लो समय कार्यकारी राष्ट्रपतिका लागि उनले कसरत पनि थालेकी छिन् । ननस्टप खबरबाट

    प्रतिकृया दिनुहोस्

    खानेपानी वितरण र शुल्क असुलीको जिम्मेवारी स्थानीय तहलाई दिनुपर्ने सांसद सुवालको सुझाव

    prem suwal

    खानेपानी मन्त्री महिन्द्रराय यादवको अध्यक्षतामा काठमाडौं उपत्यकामा खानेपानीको समस्या र समाधानका बारे अन्तरक्रिया सम्पन्न भएको...

    भरतपुरको घर घरमै पुगेर स्वास्थ्य सेवा, मेयर दाहालले गरिन् शुभारम्भ

    renu dahal

    भरतपुरका घर घरमै पुगेर स्वास्थ्यकर्मीले जेष्ठ नागरिक, अशक्त तथा अपाङ्गता भएकालाई स्वास्थ्य सेवा दिने कार्यक्रम...

    सिडिओ छोडेर भक्तपुरको प्रमुख प्रशासकीय अधिकृतमा भट्टराई

    निजामती सेवाका उपसचिव बसन्त भट्टराई सिडिओ छोडेर स्थानीय सरकारको प्रमुख प्रशासकीय अधिकृतमा सरुवा भएका छन्...

    उपचाररत उपप्रधान एवं गृहमन्त्री श्रेष्ठलाई भेट्न नपाइने

    प्रधानमन्त्री पुष्प कमल दाहाल प्रचण्डले उपप्रधान एवं गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिएका छन्...

    प्रधानमन्त्री प्रचण्ड अस्पताल पुगेर लिए उपप्रधान एवं गृह मन्त्री श्रेष्ठको स्वास्थ्य बारे जानकारी

    प्रधानमन्त्री पुष्पकमल दाहाल प्रचण्डले उपप्रधान एवं गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिएका छन् ।बुधवार...