पाँच किलोग्राम चरेससहित बाग्लुङको निसीखोला गाउँपालिकामा दुई जना पक्राउ परेका छन्।

पक्राउ पर्नेमा गाउँपालिका–६ निसीसिपका ३० वर्षीया भागिमला बुढा र २५ वर्षीय रामबहादुर साउथोकी रहेका छन् । रामबहादुर साउथोकी स्थानीयवासी भए पनि भागिमला बुढा र उनको मामा भान्जीको सम्बन्ध रहेको छ । उनीहरु दुवैलाई शनिबार पक्राउ गरिएको प्रहरीले जनाएको छ।

मामा–भान्जीबीच चरेस खरीद बिक्री भइरहेको भन्ने गोप्य सूचनाका आधारमा पक्राउ गरिएको इलाका प्रहरी कार्यालय बुर्तिबाङका प्रमुख प्रहरी निरीक्षक सुरज खड्काको भनाई छ । दुवैलाई थप अनुसन्धानका लागि जिल्ला प्रहरी कार्यालय बागलुङ पठाइएको उनले बताए ।