News Portal

  • बम बिस्फोटमा ज्यान गुमाएका इन्स्पेक्टर दाहालको अन्त्येष्टि : बुबाले दिए दागबत्ती

    भक्तपुर, २८ मङ्सिर
    ६४९ पटक
    भक्तपुर, २८ मङ्सिर

    धनुषामा गएराति भएको शक्तिशाली बम विस्फोटमा परि मृत्यु भएका प्रहरी इन्स्पेक्टर अमिर कुमार दाहालको अन्त्यष्टि गरिएको छ । पशुपति स्थित आर्यघाटमा उनको अन्त्यष्टि गरिएको हो ।

    शनिवार साँझ इन्स्पेक्टर दाहालका बुबा प्रकाश शर्मा दाहालले उनलाई दागबत्ती दिएका थिए । सो अघि पूर्व प्रधानमन्त्री झलनाथ खनाल, प्रहरी महानिरीक्षक लगायतका प्रहरीका बरिष्ठ पदाधिकारी र आफन्तजनले श्रद्धान्जली अर्पण गरेका थिए भने नेपाल प्रहरीको टुकडीले अन्तिम सलामी र शोक सलामी अर्पण गरेको थियो।

    मृतक दाहालका बुबाआमा, श्रीमती र एक छोरा छन् । २०५५ सालमा असई बाट नेपाल प्रहरीको सेवा प्रवेश गरेका दाहाल ४ महिना अघिदेखि मात्र ईलाका प्रहरी कार्यालय महेन्द्रनगर धनुषाको प्रमुखको रुपमा कार्यरत थिए ।

    धनुषाको क्षिरेश्वरनाथ नगरपालिका-५ महेन्द्रनगरमा शुक्रबार मध्यराति ४६ वर्षीय औषधी व्यवसायी राजेस साहको घरमा राखिएको बमबारे बुझ्न घटनास्थल तर्फ गएका दाहालले बम छुना साथ् बिष्फोट भएको थियो । विस्फोट हुँदा घर बेटी राजेश र उनका छोरा २४ वर्षीय छोरा
    आनन्द साहको घटना स्थलमै मृत्यु भएको थियो भने सोहि विस्फोटमा परि इलाका प्रहरी कार्यालय महेन्द्रनगरका प्रहरी इन्चार्ज प्रहरी निरिक्षक अमिर कुमार दाहालको उपचारको क्रममा मृत्यु भएको जिल्ला प्रहरी कार्यालय धनुषाले जनाएको छ ।

    विस्फोटमा परी राजेश साहको कान्छो छोरो १४ वर्षीय प्रकाश साह, छोरी २२ वर्षीया निक्की कुमारी साह र बुबा ७३ वर्षीय भिखारी साह घाईते भएका छन् भने प्रहरी जवान रिजनाथ कुमार महतो पनि घाईते भएका छन् ।

    प्रदेश २ को राजधानी जनकपुर देखि १६ किमि उत्तर रहेको घटनास्थलमा शुक्रबार राति १२ बजे साहको घरको मुख्य कम्पाउन्ड वालबाट भित्र नव निर्मित घरको बाहिरको फलामको गेटमा बम झुन्ड्याइएको थियो ।

    राति पिसाब फेर्न उठेका परिवारका सदस्यले बम जस्तो झुण्डिएको झोला देखेपछि प्रहरीलाई खबर गरेका थिए । खबर पाउना साथ अमिर आफ्नै नेतृत्वमा प्रहरी टोली लिएर घटनास्थल पुगेका थिए । गेटमा झुण्डिएको झोला बम हो वा होइन भनि यकिन गर्नको लागि  उनले छुने बितिकै विस्फोट भएको प्रहरीले जनाएको छ ।

    प्रहरी नायब उपरीक्षक रामेश्वर कार्कीका अनुसार बम कसले र किन राख्यो भन्ने विषय पत्ता लगाउन प्रहरीले अनुसन्धान थालेको छ र केहि शंकास्पद व्यक्तिहरु पक्राउ समेत परेका छन् ।

    प्रतिकृया दिनुहोस्

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...