जाडोमा कोठा न्यानो बनाउन आगो चाहिन्छ तर त्यहि आगो कहिलेकाही काल बन्न सक्ने कुरामा सचेत हुनुपर्ने देखिन्छ । काठमाडौंकै कीर्तिपुरमा कोठा न्यानो बनाउन कोइला बालेर सुतेका आमाछोरा दुबैजनाको ज्यान गएको छ । दुई जनाको सुतेकै अवस्थामा ज्यान गएको हो ।

ज्यान जानेमा कीर्तिपुर-८ सुन्दरबस्तीका ३६ वर्षीया शर्मिला रञ्जितकार र उनको दुई महिने छोरा रहेको महानगरीय प्रहरी वृत्त कीर्तिपुरका डीएसपी छेदीलाल कामतीले जानकारी दिएका छन् । उनीहरु राति सुत्ने बेलामा तावामा कोइला बालेर सुतेका थिए ।

आम छोरा राति सुत्ने बेलामा तावामा कोइला बालेर सुतेका थिए । आमाछोरा खाटमा तथा श्रीमान नवराज रञ्जितकार भुइँमै ओछ्यान लगाएर सुतेका थिए । सोमबार बिहान करिब तीन बजेतिर नवराज उठेर श्रीमतीलाई बोलाउन खोज्दा नबोलेपछि प्रहरीलाई खबर गरेका बताइएको छ ।

”अक्सिजन अभावका कारण निसास्सिएर आमा छोराको मृत्यु भएको अनुमान छ यद्यपि मृत्युको वास्तविक कारण पत्ता लगाउन घटनास्थलमा चिकित्सकको टोली पनि पुगेको छ ।” डीएसपी कामतीले भने ।