यस वर्षको कक्षा १० को माध्यमिक शिक्षा परीक्षा (एसईई) चैत ६ गतेदेखि शुरु हुने भएको छ । राष्ट्रिय परीक्षा बोर्डको सोमवार बसेको बैठकले एसईई परीक्षा चैत ६ गतेदेखि शुरु गर्ने निर्णय गरेको हो ।
निर्णयानुसार एसईई परीक्षा चैत ६ गतेदेखि शुरु भई चैत १७ गते सम्पन्न हुने तालिका रहेको छ । नियमित, प्राविधिक धार र ग्रेड वृद्धिको परीक्षा पनि सोही तालिका बमोजिम हुने बताइएको छ ।
परीक्षा समय भने विहान ८ बजे देखि ११ बजेसम्म कायम गरिएको छ । एसइईका परीक्षा नियन्त्रक रामराज खकुरेलले परीक्षामा करीब ५ लाख विद्यार्थी सहभागी हुने अनुमान व्यक्त गरे ।
