भक्तपुर, ३ पुस
भक्तपुर, ३ पुससशस्त्र प्रहरी बलले एक जना प्रहरीलाई पक्राउ गरेको छ । तालिम लिन गएर अमेरिकामै लुकेको आरोपमा सशस्त्र प्रहरी बलले प्रहरी नायब निरीक्षक (सई) लाई नियन्त्रणमा लिएको हो ।
पक्राउ पर्नेमा तत्कालीन सई उमेश सिलवाल रहेका छन् ।
सिलवाल १० वर्षअघि भीआईपी प्रोटेक्सन तालिमका लागि अमेरिका गएको सशस्त्र प्रहरीले जानकारी दिए । तालिम २०६७ साल फागुन ३० गतेदेखि चैत १८ गतेसम्म सञ्चालन भएको थियो । तालिम सकिएर पनि उनि फर्केर आएनन् अमेरिकामै लुकेर बसे ।
उनलाई सशस्त्र प्रहरीको विशेष अदालतले २०७५ साल भदौ ३१ गते दोषी ठहर गर्दै तीन वर्ष कैद सजाय सुनाएको थियो ।
पक्राउपछि आइतबार उनलाई महान्यायधिवक्ताको कार्यालयमा लगेर आवश्यक कानूनी प्रक्रिया पूरा गरेर डिल्लीबजार कारागार पठाइएको छ ।