News Portal

  • कारागारका कैदीबन्दीलाई न्यानो लुगा वितरण

    बीरगन्ज, ४ पुस
    ६५७ पटक
    बीरगन्ज, ४ पुस

    शीतलहरले प्रभावित बीरगंज स्थित बन्दी सुधार गृह (कारागार)मा वृद्ध, अशक्त तथा महिला कैदीबन्दीहरुको लागि न्यानो लुगा वितरण गरिएको छ । रिलिफ सोसाइटी अफ कमर्स, बीरगंजको आयोजनामा न्यानो लुगा वितरण गारिेको हो ।

    शुक्रवार सोसाइटीका अध्यक्ष अशोक कुमार लाठको सभापतित्व तथा पर्सा जिल्लाका प्रमुख जिल्ला अधिकारी जितेन्द्र वस्नेतको विशिष्ट आतिथ्यतामा एक औपचारिक कार्यक्रमकै आयोजना गरी कैदीबन्दीहरुको लागि न्यानो लुगा वितरण गरिएको बताइएको छ । उक्त अवसरमा कुल ५सय ९६ थान न्यानो लुगा वितरण गरिएको आयोजक संस्था रिलिफ सोसाइटी अफ कमर्स, बीरगंजले जनाएको छ ।

    कारागार परिसरमा न्यानो लुगा वितरण गरिए पश्चात बाल सुधार गृहमा बन्दी जीवन विताइरहेका नाबालकलाई समेत ८६ थान न्यानो लुगा वितरण गरिएको थियो ।

    रिलिफ सोसाइटीका अध्यक्ष, अशोक कुमार लाठले न्यानो लुगा वितरणको कार्यक्रम चरणबद्ध रुपमा जारी नै रहने जानकारी गराए । लुगा वितरण कार्यक्रममा प्रधानमन्त्रीका पूर्व जनसम्पर्क सल्लाहकार अच्युत मैनालीले प्रधानमन्त्री केपी ओली लगायत आफू पनि राजनैतिक बन्दी भएर कारागारमा लामो समय विताएको स्मरण गर्दैकारागार भित्रका मानिसलाई अपराधीको आखाँले मात्र हेर्नु नहुनेमा जोड दिए । ”मान्छे जन्मेदेखि अपराधी हुदैन, संगत, समय र परिवन्दमा परेर पनि बन्दी जीवन विताइ राखेका हुन्छन् । समाजको मायाले उनीहरुलाई राम्रो बन्न प्रेरित गर्छ ।” उनले भने ।

    त्यसैगरी नेपाल भारत सहयोग मञ्चका केन्द्रिय अध्यक्ष अशोक बैद्यले आफ्नो मन्तब्य राख्दै मानवताको लागि यस्ता सहयोगले अर्थ राख्ने वताएका थिए भने लायन्स क्लब अफ बीरगञ्ज आदर्शनगरका अध्यक्ष राजेश अग्रवालले एक दुई दिन भित्रै कारागार परिसर भित्र रहेको समता स्कुलमा अध्ययनरत साना बालबालिकाहरुको निमित्त क्लबको तर्फबाट न्यानो कपडा तथा टोपी वितरण गरिने जानकारी गराए ।

    कार्यक्रममा नेपाल कम्यूनिष्ट पार्टी (नेकपा) पर्साका अध्यक्ष प्रभु हजरा, नेपाल पत्रकार महासंघ पर्साका सभापति श्याम बन्जारा, अभियान दैनिकका क्षेत्रिय ब्युरो संयोजक ओमप्रकाश खनाल, प्रध्यापक बालगोपाल थापा, समाजसेवी अरविन्द सिंह, अशोक वैद्य, अशोक टेमानी, प्रदिप केडिया, गणेश लाठ, सन्तोष श्रेष्ठ, महेश सारावगी, बिजय गुप्ता, निरज अग्रवाल, पवन सिस्का, संजिव शर्मा, बसन्त लोहिया, सन्तोष जैन लगायत विभिन्न व्यक्तिहरुको उपस्थिति रहेको थियो ।

    प्रतिकृया दिनुहोस्

    राधेराधेस्थित हनुमन्ते खोलामा स्कुटी सहित मानिस मृत फेला

    भक्तपुरको राधेराधेस्थित हनुमन्ते खोलामा स्कुटी सहित एकजना व्यक्ति मृत अवस्थामा फेला परेका छन । मध्यपुर...

    मध्यपुर थिमिमा ब्लड बैंक स्थापना हुने, लायन्स क्लवले १ करोड ३२ लाख सहयोग गर्ने

    नेपाल कोरिया मैत्री नगरपालिका अस्पतालमा ब्लड बैंक स्थापनाका लागि लायन्स क्लवले १ लाख डलर सहयोग...

    बालकोट बस्ने ३२ वर्षिया बुढाथोकी पक्राउ

    उदयपुरको त्रियुगा नगरपालिका वडा नं. ३ घर भई हाल भक्तपुरको सूर्यविनायक नगरपालिका वडा नम्बर-१ बालकोट...

    नयाँ सत्ता समीकरणसंगै तीन मन्त्रीले लिए सपथ

    नयाँ सत्ता समीकरण संगै तीन मन्त्रीले सपथग्रहण गरेका छन् । प्रधानमन्त्री पुष्पकमल दाहाल प्रचण्डको सिफारिसमा...

    २९ उद्योगी व्यवसायीलाई ‘कर्पोरेट बिजनेश अवार्ड’

    काठमाडौं, २१ फागुन २०८० । कर्पोरेट मिडिया ग्रुपले विभिन्न उद्योगी तथा व्यवसायीहरूलाई अवार्ड तथा सम्मान...