भक्तपुर, ८ पुस
भक्तपुर, ८ पुसउपप्रधान एवं कानुनमन्त्री उपेन्द्र यादव र सहरी विकास मन्त्री मोहम्मद इश्तियाक राईले पदबाट राजीनामा दिएका छन्।
यादव र राई दुवैले मंगलबार प्रधानमन्त्री केपी शर्मा ओलीसमक्ष राजीनामा पत्र बुझाएका हुन् ।समाजवादीले सरकारमा जाँदा तत्कालीन नेकपा एमाले र नेकपा माओवादी केन्द्रसँग भएको संविधान संसाेधनसहितका सहमति कार्यान्वयन नभएपछि यादवले राजीनामा दिएका हुन्।
सोमबार मन्त्रिपरिषदकाे बैठकमा संविधान संशोधनको प्रस्ताव लगेका समाजवादी पार्टीका अध्यक्षसमेत रहेका यादवलाई प्रधानमन्त्री केपी ओलीले रोकेपछि उक्त एजेण्डा बैठकमा प्रवेश हुन पाएन्।
संसाेधन प्रस्ताव पेस हुन नपाएपछि यादवले राजीनामा बुझाएका हुन्। सरकारमै रहेर सरकारकाे कार्यशैलीबारे असन्तुष्ट रहेकाे समाजवादी पार्टीमा सरकार छाेड्ने या नछाेड्ने विषयमा लामाे समयदेखि विवाद हुँदै आइरहेकाे थियाे।