भक्तपुर, १० पुस आज बिहीवार पौष कृष्ण औशीको दिन विहान ८:४२ बजेबाट शुरु भएको सूर्यग्रहण समाप्त भएको छ ।२ घण्टा ४९ मिनेटको ग्रहण १०:०१ बजे मध्य भई ११:३१ बजे समाप्त भएको हो ।
ग्रहणको समय प्रकृति ज्यादा संवेदनशील हुने विस्वास गरिन्छ । यस्तो बेला आफ्नो आराध्य ईश्वरको ध्यान गर्नुपर्ने पण्डितहरु बताउछन ।
ग्रहणको समय गर्नु हुने र नहुने कुराको पनि खास नियम धर्मशाश्त्रमा उल्लेख गरिएको छ । त्यसैगरी ग्रहण सकिएपछि पनि धर्मशाश्त्रमा केहि नियमहरु बनाइएका छन् । ग्रहण सकिएपछि स्नान गर्नु उत्तम मानिन्छ । मंदिरको पट खोलेर भगवानलाई समेत स्नान गराई पूजा-अर्चना गर्नुपर्दछ ।
पण्डितहरुका अनुसार ग्रहण सकिएपछि घीउ र खीरले हवन आदि गर्नसके लाभ हुने बताइन्छ । यसो गर्न सके दीर्घ रोगबाट समेत आराम मिल्ने जनविस्वास रहेको छ ।
ग्रहण सकिएपछि मात्र खान पकाउन शुरु गर्नुअर्दछ । पिउने पानी पनि बदल दिनु पर्दछ । वैज्ञानिक अनुसन्धान अनुसार पनि ग्रहणको समय मनुष्यको पाचन शक्ति कमजोर हुन्छ । यदि पेटमा दूषित अन्न या पानी गयो भने बीमारि हुनसक्छ ।
ग्रहण सकिएपछि प्राणायाम र व्यायाम गर्नुपर्छ । सकारात्मक सोच राख्नुपर्छ । धार्मिक पुस्तक पढ्नुपर्छ । गंगाजल छर्केर घर शुद्ध गर्नुपर्छ । दुखी गरीब , जरूरतमंद व्यक्ति र ब्राह्मणलाई अन्न दान गर्नुपर्छ र भगवान सूर्यको आराधना गर्नुपर्दछ भन्ने धार्मिक मान्यता छ । तर, सूर्य ग्रहणले मानव जीवनमा पार्ने प्रभाव बारे कुनै पनि वैज्ञानिक आधार प्राप्त नभएको वैज्ञानिकहरु बताउछन ।
भक्तपुर पोस्टको फेसबुक पेज लाइक गर्नुभयो ?