News Portal

  • घाइते भएका दिलीपलाई खोलामा सुताइ टिपरले किचेर हत्या गरियाे : धनुषा प्रहरी

    भक्तपुरपोष्ट संवाददाता२६ पुस
    १४२१ पटक
    २६ पुस

    धनुषा । धनुषाको औरही खोलामा अवैध उत्खनन रोक्न गएका दिलीप महतोलाई ‘लिभर’ प्रहार गरी घाइते बनाएर किचेर हत्या गरिएको खुलेको छ । शनिबार अबेर साँझ जिल्ला प्रहरी कार्यालय धनुषाले आयोजना गरेको पत्रकार सम्मेलनमा प्रहरी उपरीक्षक रमेश बस्नेतले दिलीपको दाहिने कोखमा ‘लिभर’ले घोची घाइते बनाएपछि टिपरले किचेको बताए ।

    बालुवा गिटी चोरी रोक्न खोलामा गएका महतोलाई शुक्रबार बिहान चार जनाले समातेर कोखमा ‘लिभर’ प्रहार गरी घाइते बनाएर ना ७ प ६४१३ नम्बरको टिपरले किचेर हत्या गरेको प्रहरी उपरीक्षक बस्नेतले बताए। प्रहरीले हत्या आरोपमा पक्राउ परेका ४ जनालाई सार्वजनिक गरेको छ।

    हत्याको मुख्य योजनाकार क्रसर सञ्चालक मिथिला नगरपालिका–५ का २७ वर्षीय विपिन महतो, टिपर चालक महोतरी बर्दिबास–९ का ३४ वर्षीय मुनिन्द्र महतो, अनटेस्ट लोडर चालक बर्दिबास नगरपालिका–२ का २४ वर्षीय जितेन्द्र महतो र मिथिला नगरपालिका–५ का २७ वर्षीय रोशन कुमार यादवलाई पक्राउ गरिएको प्रहरी उपरीक्षक बस्नेतले बताए।

    ‘घट्ना सम्बन्धमा अनुसन्धान गर्दै जाँदा खोलामा टिपरले बालुवा गिटी चोरी गरी लगिरहेको भन्ने थाहा पाई निज मृतक दिलिप भन्ने ओमप्रकाश महतोले टिपर समात्न गएकोमा निम्न मानिसहरुले दिलिप भन्ने ओम प्रकाश महतोलाई खोलामा समाती फलामको लिभरले दाहिने कोखामा घोचि घाइते पारी खोलामा सुताई ना ७ ख ६४१३ नम्बरको टिपरले किचि कर्तव्य गरी मारेको खुल्न आएकोमा निम्न मानिसहरुलाई नियन्त्रणमा लिई अनुसन्धान कारवाही भइरहेको छ,’ जिल्ला प्रहरी कार्यालय धनुषाले शनिबार बेलुका पत्रकार सम्मेलनमा बताएको छ।

    टिपरले किचेर हत्या गरिएका दिलीपकुमार महतोको शवको पोस्टमार्टम शनिवार गरिएको थियाे। प्रादेशिक अस्पताल जनकपुरका चारजना चिकित्सकले झण्डै ३ घण्टा लगाएर दिलीपको शवलाई पोस्टमार्टम गरेका थिए।

    कागजी प्रक्रियामा पहिले असहमति जनाएका मृतकका परिवारका सदस्यले पछि चित्त बुझाएपछि शनिवार अपराहन्न साढे ४ बजेदेखि साँझ ७ बजेर १० मिनेटसम्म दिलीपको शवको पोस्टमार्टम गरिएको थियो। पोस्टमार्टममा शवको एक्स–रे र सिटीस्क्यान समेत गरिएको छ । गम्भीर एवं संवेदनशील घटना भएकाले बढी समय लगाएर हरेक भाग केलाएर पोस्टमार्टम गरिएको चिकित्सकहरुले बताएका छन।

    हत्याको विरोधमा शनिबार साँझ राजधानीमा दीप प्रज्जवलन गर्दै वातवरण संरक्षण अभियान्ताहरुले दिलीपलाईपर्यावरण सहिद घोषणा गर्न माग गरेका छन् ।

     

    प्रतिकृया दिनुहोस्

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...