भक्तपुर, २८ पुसउपसभामुख शिवमाया तुम्बाहाङ्फेले आफुमाथी राजनीतिक हिंसा भएको टिप्पनी गरेकी छिन् । सत्तारुढ दल नेपाल कम्यूनिष्ट पार्टी नेकपा का प्रभावशाली नेताहरुले आफुमाथी राजनीतिक हिंसा गरेको बताउन थालेकी छिन् ।
मैले राजीनामा नदिएका कारण संसद र दल बन्धक बन्यो भन्ने आरोप लगाइयो, तुम्बाहाङ्फेले भनिन् बन्धक भन्ने शब्दको कानुनी अर्थ के हो रु यो शब्द एक प्रकारको हिंसात्मक शब्द हो । तुम्बाहाङ्फेले नेकपा सचिवालयको निर्णय र नेताको बोलीले आफुलाई हिंसा गरेको बताएकी छिन् ।
शनिवार बसेको नेकपा सचिवालय बैठकले तुम्बाहाङ्फेलाई राजीनामा दिन निर्देशन दिएको थियो । तर उनले नेकपा सचिवालय बैठकको निर्णयलाई चुनौति दिएकी छिन् । गत विहीबार नेता बामदेव गौतम निवास भैसेपाटीमा पनि उपसभामुखका बिषयमा छलफल भएको थियो । त्यहाँ गरिएको निर्णय बालुवाटारमा गएर माइन्युट गरिएको बुझाई रहेको छ ।
शिवमायाले राजीनामा नदिँदा सभामुख चयन हुन नसकेको टिप्पनी नेकपा संसदीय दलका प्रमुख सचेतक देव गुरुङ र पार्टी प्रवक्ता नारायणकाजी श्रेष्ठले बताउँदै आएका छन् । उनीहरुको भनाईप्रति शिवमायाले चर्को असन्तुष्टी राखेकी छिन् ।