News Portal

  • न्यूनतम उपलब्धि हासिल नगरे शिक्षकको जागिर चट् !

    भक्तपुरपोष्ट संवाददाता३ माघ २०७६
    ३७२८ पटक
    ३ माघ २०७६

    काठमाडौं । आफूले पढाउने कक्षा र विषयमा विद्यार्थीको तोकिएको उपलब्धिस्तर हासिल गराउन नसके शिक्षकहरुको जागिर चट् हुने भएको छ ।

    शिक्षा, विज्ञान तथा प्रविधि मन्त्रालयले तयार गरेको शिक्षा ऐनको मस्यौदामा यस्तो व्यवस्था गरिएको हो । ऐनको मस्यौदामा परिच्छेद ६ को दफा ५९ को उपदफा २ को (ज)मा यस्तो व्यवस्था गरिएको हो ।

    मस्यौदामा देहायका अवस्थामा शिक्षक र कर्मचारीलाई पदबाट हटाइनेछ भनी नौ अवस्थाहरु उल्लेख गरिएको छ ।

    मस्यौदामा पदीय दायित्व पुरा नगर्ने, विना सूचना लगातार पन्ध्र दिनभन्दा बढी समय विद्यालयमा अनुपस्थित रहेमा वा विद्यालयमा मादक पदार्थ सेवन गरी आएको कुरा प्रमाणित भएमा पनि शिक्षक र विद्यालय कर्मचारी पदबाट हट्ने उल्लेख छ ।

    यस्तै, नैतिक पतन देखिने कुनै फौजदारी अभियोगमा अदालतबाट सजाय पाएमा वा सार्वजनिक विद्यालयका शिक्षक वा कर्मचारीले विद्यालय समयमा अन्यत्र अध्यापन वा काम गरेमा वा अन्य कुनै व्यावसायिक क्रियाकलाप गरेमा पनि सेवाबाट हटाइने व्यवस्था मस्यौदामा गरिएको छ ।

    अन्य कुनैपनि देशको स्थायी आवासीय अनुमतिपत्र(डिभि,पिआर) लिएको प्रमाणित भएमा वा राजनीतिक दलको कार्यकारिणी समितिको सदस्य रहेको प्रमाणित भएमा पनि शिक्षक कर्मचारीले जागिर गुमाउने मस्यौदामा उल्लेख गरिएको छ । तोकिएको अधिकारीको स्वीकृति नलिई खटिएको विद्यालय बाहेक अन्यत्र शिक्षण वा प्रशिक्षण कार्य गरेमा पनि शिक्षकहरु बर्खास्तीमा पर्ने भएका हुन् ।

    यस्तै, मस्यौदामा स्पष्टीकरणः खण्डमा राजनीतिक दलको कार्यकारिणी समिति’ भन्नाले दलको विधान बमोजिम गठित सङ्घीयस्तर, प्रदेशस्तर, जिल्लास्तर वा स्थानीयस्तरका कार्यकारिणी समिति बुझिने स्पष्ट पारिएको छ ।

    1

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...